សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យស្រវឹងបេីកបរ រថយន្តបត់ស្តាំមិនប្រយ័ត្នក៏ជ្រុលទៅបុកគូទរថយន្តដឹកសំរាមរបស់ក្រុមហ៊ុនស៊ិនទ្រីបណ្តាលឱ្យរងការខូចខាតកាងខាងមុខផ្នែកខាងឆ្វេង។
ហេតុការណ៍នេះបានកេីតឡេីងកាលពីវេលាម៉ោង១២រំលងអាធ្រាត្រឈានចូលថ្ងៃទី៥ ខែឧសភា ឆ្នាំ២០២០ នៅចំណុចផ្លូវលេខ៤៣០ កែងផ្លូវមុនីរ៉េត ស្ថិតក្នុងសង្កាត់ទំនប់ទឹក ខណ្ឌបឹងកេងកង ។
តាមសាក្សីពីកន្លែងកេីតហេតុបានឧ្យដឹងថា៖ មុនពេលកេីតហេតុគេបានឃេីញរថយន្តដឹកសំរាមរបស់ក្រុមហ៊ុនស៊ិនទ្រីធ្វេីដំណេីរតាមបណ្តោយផ្លូវមុនីរ៉េត ក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានរថយន្តម៉ាស្តា ពណ៍ស ពាក់ស្លាកលេខភ្នំពេញ2Z- 5138 បេីកបរដោយបុរសម្នាក់សង្ស័យស្រវឹងផងនោះធ្វេីដំណេីរតាមបណ្តោយផ្លូវលេខ៤៣០ ក្នុងទិសដៅពីត្បូងទៅជេីង ហេីយបានបត់ស្តាំមិនប្រយ័ត្នក៏ជ្រុលបុកគូទរថយន្តដឹកសំរាមពីក្រោយបណ្តាលឱ្យរងការខូចខាតខ្លួនឯងកាងខាងឆ្វេង។
ក្រោយកេីតហេតុសមត្ថកិច្ចមូលដ្ឋានបានចុះទៅពិនិត្យ និងធ្វេីការសម្របសម្រួលទេីបភាគីទាំងសងខាងបញ្ចប់រឿងនៅកន្លែងកេីតហេតុដោយយករថយន្តទៅជួសជុលរៀងៗខ្លួន៕សុខា សែនជ័យ
