សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់ជិះម៉ូតូចេញពីផ្ទះបំណងទៅរកទិញបន្លែនៅផ្សារដេីមគតែមិនទាន់ដល់ផងស្រាប់តែមានជនសង្ស័យចំនួន២នាក់ជិះម៉ូតូមួយគ្រឿងមកធ្វេីសកម្មភាពឆក់យកកាបូបស្ពាយបានសម្រេចហេីយគេចខ្លួនបាត់ដោយសុវត្ថិភាព។
ហេតុការណ៍នេះបានកេីតឡេីងកាលពីវលាម៉ោង៣រសៀលថ្ងៃទី១២ ខែឧសភា ឆ្នាំ២០២០ នៅតាមបណ្តោយផ្លូវ២០០៤ ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ។
សម្ភារបាត់បង់មាន៖ លុយខ្មែរជាង៤លាន រឿល លុយដុល្លារ២២០ដុល្លារ ទូរស័ព្ទមួយគ្រឿង កាតគ្រីម៉ូតូ២សន្លឹក។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបគាត់បានជិះម៉ូតូចេញពីផ្ទះនៅម្តុំវត្តវិហារឃួន មុខផ្សារពោធិ៍ចិនតុង បំណងទៅផ្សារដេីមគរកទិញបន្លែលក់បន្ត លុះមកដល់ចំណុចខាងត្បូងស្តុបផ្សារសិនជូរីបន្តិច ស្រាប់តែមានជនសង្ស័យចំនួន២នាក់ ជិះម៉ូតូមួយគ្រឿងមិនចាំម៉ាកមកក្បែរហេីយធ្វេីសកម្មភាពឆក់យកកាបូបស្ពាយពីរូបគាត់បានសម្រេចហេីយគេចខ្លួនបាត់អស់ទៅ។
ពេលនោះរូបគាត់បានជិះម៉ូតូដេញតាមពីក្រោយបណ្តេីរនិងស្រែកឱ្យគេជួយបណ្តេីរតែមិនមានអ្នកជួយដេញនោះទេ។ មិនត្រឹមតែប៉ុណ្ណោះរូបគាត់បានទៅប្តឹងនគរបាលដែលយាមនៅគោលដៅស្តុបផ្សារសិនជូរី ឱ្យជួយធ្វើអន្តរាគមន៍ដែរតែលោកថាគ្មានអីជិះដេញទេ។
ជនរងគ្រោះបានបន្តថា បន្ទាប់មកទេីបរូបគាត់ជិះមេីលតាមផ្លូវក្រែងជួប និងសម្រេចចិត្តមកប្តឹងនៅប៉ុស្តិ៍នគរបាលរដ្ឋបាលចោមចៅទី៣ តែដោយសារតែទីតាំងកេីតហេតុនៅក្នុងមូលដ្ឋានប៉ុស្តិ៍កាកាបទី១ទេីបសមត្ថកិច្ចជូនទៅដាក់ពាក្យបណ្តឹងនៅទីនោះវិញ៕ដោយ៖សុខាសែនជ័យ
