សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ សូមបងប្អូនជួយ share ដើម្បីផ្តល់ដំណឹងដល់សាច់ញាតិជនរងគ្រោះ។ ប្រសិនបើបងប្អូនស្គាល់ជនរងគ្រោះ សូមធ្វើការទាក់ទងមកលេខ: ០១២ ៦៣៦ ៣៦៧ /០៣១ ២១២ ៤៤៤៤ ។ នេះជាការប្រកាសដំណឹងរបស់សមត្ថកិច្ច ។
ប្រភពព័ត៌មានអោយដឹងថា នៅថ្ងៃទី១៤ ខែឧសភា ឆ្នាំ២០២០ វេលាម៉ោង ១៣ និង១៥នាទី នៅចំណុចផ្លូវកោង ស្ថិតនៅភូមិអង្គួញដី ឃុំក្រឡា ស្រុកកំពង់សៀម ខេត្តកំពង់ចាម មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ និងម៉ូតូ ។
ប្រភពព័ត៌មានបន្តថា ម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខកំពង់ចាម1H-5766 បើកបរដោយបុរសមិនស្គាល់អត្តសញ្ញាណ បើកបរពីទិសខាងលិចទៅកើត បានបុកគ្នាជាមួយម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខត្បូងឃ្មុំ1G-8632 បើកបរដោយឈ្មោះប៉ាង វ៉ាន់ឆេង ភេទប្រុស អាយុ២១ឆ្នាំ រួមដំណើរម្នាក់ទៀតឈ្មោះស៊ីម វ៉ាន់ឌី ភេទប្រុស អាយុ២២ឆ្នាំ អ្នកទាំង២រស់នៅភូមិបង្គៀង(ក) ឃុំគងជ័យ ស្រុកអូរាំងឪ ខេត្តត្បូងឃ្មុំ បើកបរពីទិសខាងកើតទៅទិសខាងលិច(មានមួកសុវត្ថិភាពទាំង០៣នាក់) បញ្រ្ចាស់ទិសគ្នា ។
យោងតាមកំណត់ហេតុសមត្ថកិច្ចអោយដឹងថា មូលហេតុ ម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខកំពង់ចាម1H-5766 បើកបរ មិនប្រកាន់ស្តាំ ទេីបកេីតមានគ្រោះថ្នាក់ចរាចរណ៍បណ្តាលឲ្យស្លាប់០១នាក់ រងរបួសមនុស្សនាក់០២ កម្រិតធ្ងន់ ឯម៉ូតូទាំង០២គ្រឿងខូចខាតកម្រិតស្រាល ។
ចំណែកសពយកមករក្សាទុកនៅមន្ទីរពេទ្យ ៧D ដើម្បីរងចាំគ្រួសារសព។ ករណីជំនាញកំពុងស្រាវជ្រាវ។ ចំពោះវត្ថុតាង ជំនាញបាននាំយកមករក្សាទុកនៅអធិការដ្ឋាននគរបាលស្រុកកំពង់សៀម ដើម្បីកសាងសំណុំរឿងតាមនីតិវិធីច្បាប់ ៕ដោយ ៖វណ្ណៈ
