សារព័ត៌មាន នគរវត្ត តែងតែនាំមុខគេជានិច្ច
អង់គ្លេស៖ ខ្សែការពាររបស់ក្លឹប Watford កីឡាករ Adrian Mariappa និយាយថាគាត់គឺជាមនុស្សម្នាក់ក្នុងចំណោមមនុស្ស ៣នាក់ដែលបានធ្វើតេស្តរកមេរោគកូរ៉ូណានៅឯក្លឹប។ កាលពីថ្ងៃអង្គារក្លិបបានប្រកាសថា មានការសាកល្បងវិជ្ជមានចំនួន៦រូបនៅលើក្លឹបក្នុងក្របខ័ណ្ឌ Premier League ចំនួន៣។
បុគ្គលិក២នាក់នៅ Watford និងជំនួយការអ្នកគ្រប់គ្រង Burnley លោក Ian Woan ក៏បានធ្វើតេស្តវិជ្ជមានផងដែរ ខណៈដែលបុគ្គលិក២នាក់ទៀតនៅក្លឹបទី៣មិនទាន់ត្រូវបានគេបង្ហើបឱ្យដឹងនៅឡើយទេ។
កីឡាករ N’Golo Kante របស់ក្រុមតោខៀវ Chelsea បានខកខានការហ្វឹកហាត់ព្រោះតែភ័យខ្លាចនៃវីរុសកូវីដ១៩ហើយសំណើអាក់ខាននេះ មានការឯកភាពពីសំណាក់គ្រូបង្វឹករបស់គាត់គឺលោក Frank Lampardផងដែរ។
ការសម្រេចចិត្តរបស់ Kante ក្នុងការហ្វឹកហាត់នៅផ្ទះគឺមានជំហរប្រហាក់ប្រហែលគ្នាដោយប្រធានក្រុម Watford កីឡាករ Troy Deeney និងមិត្តរួមក្រុមរបស់គាត់ដែរ ព្រោះតែការភ័យខ្លាចពីការឆ្លង។
ខ្សែបម្រើសញ្ជាតិបារាំង Kante បានវិលត្រឡប់ទៅហ្វឹកហាត់នៅ Chelsea វិញនៅថ្ងៃដំបូង នៃការហ្វឹកហាត់ កាលពីថ្ងៃអង្គារបន្ទាប់ពីការធ្វើតេស្តរកឃើញអវិជ្ជមាន ប៉ុន្តែទោះជាមិនមានរោគសញ្ញាឆ្លងក៏ដោយ កីឡាកររូបនេះត្រូវបានផ្តល់ឲ្យឈប់សម្រាកកាលពីថ្ងៃពុធ ដើម្បីសុវត្ថិភាពខ្លួនគាត់ផ្ទាល់ ៕ដោយ៖ភារៈ
