ឈូសឈើនឹងម៉ូទរ័ត្រូវខ្សែភ្លើងឆក់សន្លប់ សំណាងល្អអ្នកធ្វើដំណើរតាមផ្លូវឃើញជួយសង្គ្រោះទាន់ពេល

ខេត្តឧត្ដរមានជ័យ៖ បុរសម្នាក់ត្រូវបានខ្សែភ្លើងឆក់ដួលសន្លប់ស្ដូកស្ដឹង ខណ:កំពុងតែឈូសឈើនឹងម៉ូទ័រហើយឆ្លងចរន្ដ នៅថ្ងៃទី២០ខែ ឧសភាឆ្នាំ២០២០ស្ថិតនៅក្នុងភូមិថ្នល់កែង ឃុំអន្លង់វែង ស្រុកអន្លង់វែង ខេត្ដឧត្ដរមានជ័យ។

សមត្កិច្ចបានឱ្យដឹងថា ជនរងគ្រោះឈ្មោះហ៊ាន ហន ភេទប្រុស អាយុ៤១ឆ្នាំ រស់នៅភូមិឃុំកើតហេតុខាងលើ។

សមត្ថកិច្ចបានឱ្យដឹងបន្តថា ជនរងគ្រោះជាជាងកែច្នៃគ្រឿងសង្ហារឹម ដែលគាត់ធ្វើសិប្បកម្មកែច្នៃឈើបន្តិចបន្តួចជាលក្ខណ:គ្រួសារនៅនឹងផ្ទះរបស់ខ្លួន។ រហូតមកដល់ពេលនេះជនរងគ្រោះមានសភាពធូរស្រាលឡើងវិញហើយ ដោយសារតែមានពលរដ្ឋធ្វើដំណើរឆ្លងកាត់តាមផ្លូវជួយសង្គ្រោះគាត់បានទាន់ពេល៕

ដោយ៖ប៉ែន នួន