សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ នៅព្រឹកថ្ងៃអាទិត្យ ទី២៤ ខែឧសភា ឆ្នាំ២០២០ កម្លាំងមូលដ្ឋានកងរាជអាវុធហត្ថក្រុង ប៉ោយប៉ែត ដឹកនាំដោយលោកអនុសេនីយ៍ឯក សរ សុភ័ក្ត្រា មេញ្ជាការស្ដីទីកងរាជអាវុធក្រុង បានសហការជាមួយការិយាល័យសេដ្ឋកិច្ច និងអភិវឌ្ឍន៍សហគមន៍ ការិយាល័យផលិតកម្ម និងបសុព្យាបាល(ពេទ្យសត្វ) ក្រុងប៉ោយប៉ែត ចុះបង្រ្កាបករណីដឹកជញ្ជូនទំនិញខុសច្បាប់មានដូចជា៖ ត្រចៀកជ្រូក,ថ្លើមជ្រូក,ពោះវៀន,ក្រពះ និងខួរជ្រូកនៅចំណុចភូមិ-សង្កាត់ ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
លោកអនុសេនីយ៍ឯក សរ សុភ័ក្ត្រា មេបញ្ជាការស្ដីទី អ.ហ ក្រុង បានឱ្យដឹងថា ការចុះបង្ក្រាបករណីខាងលើនេះគឺឃាត់ខ្លួនបានអ្នកបើកបររថយន្តចំនួន០២នាក់ ,រថយន្តចំនួន០២គ្រឿង និងទំនិញខុសច្បាប់សរុប ចំនួន១៦កេសស្នោ ស្មើនឹងទម្ងន់៨៤០គីឡូក្រាម។
លោកអនុសេនីយ៍ឯក សរ សភ័ក្ត្រា បានបញ្ជាក់ទៀតថា ១-រថយន្តម៉ាកតូយ៉ូតាស៊ីណា ពណ៌ស ពាក់ស្លាកលេខ ភ្នំពេញ 2AL.2355 បើកបរដោយឈ្មោះ រិទ្ធី យ៉ា ភេទប្រុស អាយុ២៩ឆ្នាំ រស់នៅភូមិអូរឫស្សីទី១ សង្កាត់អូរឫស្សី ខណ្ឌ៧មករា រាជធានីភ្នំពេញ។
២-រថយន្តម៉ាក ហាយឡេនឌ័រ ពណ៌ទឹកមាស ពាក់ស្លាកលេខ ភ្នំពេញ 2A.2728 បើកបរដោយឈ្មោះ វង្ស សុខម៉ានីន ហៅ ដារ៉ា ភេទប្រុស អាយុ៣៣ឆ្នាំ រស់នៅភូមិសំរោង ឃុំឫស្សីក្រោក ស្រុកមង្គលបុរី ខេត្តបន្ទាយមានជ័យ។
បច្ចុប្បន្ន វត្ថុតាង និងអ្នកបើកបររថយន្តទាំង០២នាក់ ត្រូវបានកម្លាំងសមត្ថកិច្ចប្រគល់ឱ្យមន្ត្រីជំនាញចាត់ការតាមនីតិវិធី៕សសម
