សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ ៖ ពិតជាអកុសលណាស់ដែលបុរសម្នាក់ត្រូវរន្ទះបាញ់ស្លាប់ ខណៈកំពុងឃ្វាលគោនៅវាលស្រែគ្រាដែលមេឃមានភ្លៀងធ្លាក់ ។
គ្រោះអកុសលដោយរន្ទះបាញ់នេះកើតឡើងនៅវេលាម៉ោង៤និង៣០នាទីរសៀល ថ្ងៃអង្គារ ៥កើត ខែជេស្ឋ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី២៦ ខែឧសភា ឆ្នាំ ២០២០ ស្ថិតនៅភូមិមហរ៍ ឃុំជ័យ ស្រុកកំពង់ស្វាយ។
មន្រ្តីនគរបាលប៉ុស្តិ៍រដ្ឋបាលជ័យបានឲ្យដឹងថា ជនរងគ្រោះឈ្មោះ សេង វ៉ាត ភេទប្រុស អាយុ៦៤ឆ្នាំ មុខរបរ កសិករ រស់នៅ ភូមិ ឃុំ កើតហេតុ ខាងលើ។ជនរងគ្រោះត្រូវរន្ទះបាញ់ស្លាប់នៅចម្ងាយពីផ្ទះប្រហែល៥០០ម៉ែត្រ គ្រាដែលទៅឃ្វាលគោតែម្នាក់ឯងហើយពេលនោះមានភ្លៀងធ្លាក់ជោគជាំ។
ក្រោយកើតហេតុក្រុមគ្រួសារបានទៅសែងសាកសពពីវាលស្រែយកមកផ្ទះចាត់ចែងធ្វើបុណ្យតាមប្រពៃណីទាំងក្តុកក្តួលបំផុត៕ដោយ÷ប្រាថ្នា
