សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ អស់រយៈពេលជាច្រើនឆ្នាំហើយដែលអ្នកមេម៉ាយចាយរាង សុខ សោម៉ាវត្តីភ្ជាប់ទំនាក់ទំនងស្នេហ៍ជាមួយតារាបាល់ទាត់ លី វ៉ាហេទ។ ថ្ងៃខួបកំណើតសង្សារបណ្តូលចិត្តតារាស្រីរូបនេះបានបង្ហើបពីគម្រោងសុំដូរឈ្មោះលែងចង់ប្រើពាក្យថាសង្សារហើយ ដែលគេដឹងថានាងមានគម្រោងចូលរោងការតែម្តង។
ថ្ងៃខួបកំណើតសង្សារបណ្តូលចិត្ត សុខ សោម៉ាវត្តី បានបង្ហាញរូបថតកៀកកើយ សារជូនពរ និងភាសាស្នេហ៍ផ្អែមល្ហែមចាក់ទឹកមិនលិច ។ បន្ថែមពីរូបភាពផ្អែមស្អិតធ្វើឲ្យអ្នកគាំទ្រសាទរនេះ នាងបានបង្ហាញតម្រុយខ្លះៗថានាងនឹងមានដំណឹងល្អនៅឆ្នាំក្រោយពោលគឺការផ្លាស់ប្តូរពីឈ្មោះសង្សារទៅជាប្តីប្រពន្ធវិញ។ មិនមានការកំណត់ជាក់លាក់អំពីថ្ងៃចូលរោងការមែន ប៉ុន្តែស្នេហារវាងពួកគេកាន់តែផ្អែមល្ហែមពីមួយថ្ងៃទៅមួយថ្ងៃ។ តារាស្រីរូបនេះនឹងលុបឈ្មោះជាតារាស្រីមេម៉ាយចាយសម្រស់ រួមរស់ជាមួយគូស្នេហ៍វ័យក្មេងដែលនាងតែងលើកឡើងថា បានផ្តល់ក្តីសុខខ្លាំងក្នុងជីវិតនាង។
គួរបញ្ជាក់ដែរថា សុខ សោម៉ាវត្តីបានសម្រេចរៀបចំពិធីមង្គលការយ៉ាងគគ្រឹកគគ្រេងជាមួយលោក ទូច ដាណារ៉ា ហៅ ពេជ្រកាលពីថ្ងៃទី ២៤ ខែវិច្ឆិកា ឆ្នាំ ២០១២ ដោយទទួលបានចំណងដៃកូនស្រីឈ្មោះ ទូចណារ៉ាសោម៉ារី ហៅ ចាស្មីនវ័យ៧ឆ្នាំ។ ដំណឹងបែកបាក់ស្នេហារបស់តារាស្រីរូបនេះនឹងអតីតស្វាមីកើតមានឡើងក្នុងអំឡុងពាក់កណ្តាលឆ្នាំ២០១៥ ។ នាងចាប់ផ្តើមលេចចេញទំនាក់ទំនងស្នេហាជាមួយតារាបាល់ទាត់ លីវ៉ាហេទ បន្ទាប់ពីពួកគេបានសម្តែងភាពយន្តរឿងរួមគ្នារបស់ផលិតកម្ម រ៉ុក គឺរឿង”ខូចចិត្តអាជីព” កាលពីឆ្នាំ២០១៦មកនោះ៕ ដោយ ៖វឌ្ឍនា
