សារព័ត៌មាន នគរវត្ត តែងតែនាំមុខគេជានិច្ច
អ្នកលេងកីឡាកាសមាឌតូចល្បីឈ្មោះ Rey Mysterio បានប្រកាសចូលនិវត្តន៍ហើយ ដោយការប្រកួតចុងក្រោយរបស់លោកគឺយប់ថ្ងៃទី១ ខែមិថុនា សប្តាហ៍ក្រោយនេះ។
កីឡាករ Rey Mysterio ចូលប្រឡូកក្នុងវិស័យកីឡាកាស នៅឆ្នាំ១៩៨៩ ពោលគឺតាំងពីរូបគេនៅវ័យ១៤ឆ្នាំមកម្ល៉េះ។ ឈ្មោះដើមរបស់គេគឺ Óscar Gutiérrez ។ ភាពល្បីល្បាញរបស់ Oscar កាន់តែមានខ្លាំងឡើង បន្ទាប់ពីលោកបានចុះកុងត្រាប្រកួតឱ្យស្ថាប័ន WWEដែលជាស្ថាប័នកីឡាកាសដ៏ល្បីឈ្មោះមួយ។
កីឡាករវ័យ៤៥ឆ្នាំ សញ្ជាតិអាមេរិកខាងលើនេះត្រូវបានគេចាត់ទុកថា ជា Legend ក្នុងវិស័យកីឡាកាស។ យ៉ាងណាមិញស្ថាប័នWWE បានប្រកាសនៅលើបណ្ដាញសង្គមថា នៅថ្ងៃចន្ទសប្ដាហ៍ក្រោយនេះ គឺជាថ្ងៃចុងក្រោយរបស់ Rey Mysterio ចូលនិវត្តន៍ពីកីឡាកាស។ រូបគាត់បានចូលនិវត្តន៍ពីវិស័យនេះក្នុងវ័យ៤៥ឆ្នាំនេះតែម្តង។ ក្នុងការប្រកួតចុងក្រោយនោះ ក៏មានរៀបចំពិធីចូលនិវត្តន៍ជូនដល់គាត់ផងដែរ ៕ដោយ៖ភារៈ
