សារព័ត៌មាន នគរវត្ត តែងតែនាំមុខគេជានិច្ច
នៅថ្ងៃទី២៨ ខែឧសភាឆ្នាំ២០២០ សភាអុីរ៉ង់បានសម្រេចបោះឆ្នោត ជ្រើសរើសប្រធានថ្មី ហើយអតីតអភិបាលក្រុងតេអុីរ៉ង់ លោកTehran Mohammad-Bagher Ghalibaf បានជាប់ឆ្នោតជាប្រធានរដ្ឋសភាថ្មី។
សារព័ត៌មាន TTXVN បានដកស្រង់ប្រភពព័ត៌មានពីទូរទស្សន៍ជាតិ អុីរ៉ង់បានផ្សាយថា អតីតអភិបាលក្រុង វ័យ ៥៨ឆ្នាំទទួលបានសំឡេងគាំទ្ររហូតដល់ទៅ២៣០ និងប្រឆាំង២៦៧ ជួយឲ្យលោកក្លាយជា ប្រធានរដ្ឋសភាថ្មី ជំនួសលោកAli Larijani ដែលកាន់តំណែងប្រធានរដ្ឋសភាតាំងពីឆ្នាំ២០០៨មកទល់ពេលនេះ។
លោកGhalibaf ធ្លាប់បានចូលរួមប្រគួតប្រជែងតំណែងប្រធានាធិបតីអុីរ៉ង់ ៣លើកមកហើយ។ លោកធ្លាប់កាន់តំណែងអភិបាលក្រុង ចាប់ពីឆ្នាំ២០០៥-២០១៧។ លោកក៏ធ្លាប់បានកាន់តំណែងជាស្នងការប៉ូលិស និងជាសមាជិកកម្លាំងទាហានបដិវត្តអ៊ិស្លាមអុីរ៉ង់ផងដែរ។ លោកត្រូវបានបោះឆ្នោតក្នុងសភាកាលពីខែកុម្ភៈកន្លងមក។
តំណែងប្រធានរដ្ឋសភា អុីរ៉ង់ត្រូវបានគេចាត់ទុកថាជាតំណែងដែលមានឥទ្ធិពលបំផុតនៅក្នុងប្រទេសអុីរ៉ង់ ។ ប្រធានរដ្ឋសភា នៅមានកៅអីមួយទៀតនៅក្នុងគណៈកម្មការសេដ្ឋកិច្ចជាន់ខ្ពស់ រួមជាមួយប្រធានាធិបតី និងរដ្ឋមន្ត្រីក្រសួងយុត្តិធម៌។
សភាអុីរ៉ង់បានផ្អាកធ្វើការរយៈ៦សប្តាហ៍ចាប់តាំងពីថ្ងៃទី ៧ ខែមេសា ដោយសារតែ ការទប់ស្កាត់ឆ្លងកូវីដ១៩។
អុីរ៉ង់ ជាប្រទេសដែលរងផលប៉ះពាល់ខ្លាំងជាងគេដោយកូវីដ១៩ ក្នុងតំបន់មជ្ឈិមបូព៌ា ដោយមានអ្នកឆ្លងជាង១៤១ពាន់នាក់ និងស្លាប់ជាង៧៥០០នាក់៕ដោយ៖ធី រីណា
