សត្វឆ្កែមានមាត់វែងបំផុតលើពិភពលោក

ឆ្កែប្រម៉ាញ់ borzoi ​តែងតែមានមាត់វែងជាងគេបំផុត ពីប្រភេទឆ្កែផ្សេង ប៉ុន្តែឆ្កែឈ្មោះEris ក៏ជាប្រភេទឆ្កែប្រម៉ាញ់Borzoi ​ពណ៌សបង្កឲ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម ដោយសារតែមានមាត់វែងខុសពីធម្មតា​។
ម្ចាស់សត្វឆ្កែមាត់វែង ឈ្មោះ Lily Kambourian រស់នៅតំបន់Richmond រដ្ឋ Virginiaអាមេរិក បានឲ្យដឹងថា សត្វឆ្កែ​​Eris ​មានមាត់វែងដល់ទៅ​៣១សង់ទីម៉ែត្រ ។
នាង Lily Kambourian បានឲ្យដឹងថា ឆ្កែប្រភេទនេះមានមាត់វែងខុសពីធម្មតា​ ដោយសារតែ ការប្រែប្រួលហ្សែន ។ ប៉ុន្តែនាងមិននឹកស្មានថា ឆ្កែនេះ​ក្លាយជាល្បីល្បាញបែបនេះសោះ។
ឆ្កែ​Eris ​មានបងប្អូន​៣នាក់​ពេលកើតមកគឺមានមាត់វែងដូចគ្នា ប៉ុន្តែគួឲ្យស្រឡាញ់។ ផលលំបាករបស់សត្វឆ្កែនេះ គឺរាល់ពេលស៊ីចំណី គឺរាយប៉ាយពេញកន្លែងមិនដូចឆ្កែផ្សេងទៀតឡើយ។
នៅពេលនេះបង្ហោះលើបណ្តាញសង្គម​មានមនុស្សជាច្រើនចាប់អារម្មណ៍ ដោយឃើញមាត់វែងខុសពីធម្មតា។ អ្នកខ្លះបានស្នើរឲ្យ ចុះបញ្ជីជាសត្វឆ្កែមានមាត់វែងបំផុតលើពិភពលោក​៕ធី រីណា