សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តារាសម្តែងលោក រុំ ភារ៉ា ហៅ Pheara Jupiter ទើបនឹងធ្វើឲ្យទស្សនិកជនចាប់អារម្មណ៍នឹងស្នាដៃសម្តែងក្នុងភាពយន្តខ្លីៗជាច្រើនបន្តបន្ទាប់ ស្រាប់តែពេលនេះស្ងប់ស្ងាត់បាត់មុខពីការងារសិល្បៈទៅវិញ។
លោក Pheara Jupiter គឺជាតារាសម្ដែងស្រស់សង្ហាមួយរូប ដែលកន្លងមកត្រូវបានគេស្គាល់តាមរយះខ្សែរភាពយន្ត និងរឿងអប់រំខ្លីជាច្រើនដែលទទួលបានការគាំទ្រជាខ្លាំងដូចជា រឿង ផ្ទះគ្រូទាយ រឿង អ្នកក្រ រឿងហួសពេល រឿងអោយម៉ែសុំទោស និងខ្សែភាពយន្ដអប់រំខ្លីជាច្រើនទៀត ។ ស្របពេលដែលកំពង់តែទទួលបានប្រជាប្រិយភាពនៅក្នុងខ្សែភាពយន្ដអប់រំជាច្រើនខាងលើស្រាប់តែមួយរយះចុងក្រោយនេះហាក់មានការស្ងប់ស្ងាត់វត្តមានរបស់លោកពីសិល្បះទៅវិញ ។ តារាសម្ដែងស្រស់សង្ហាដែលមានស្រុកកំណើតនៅខេត្ត ពោធ៌សាត់រូបនេះបានប្រាប់ថា លោកបានផ្អាកពីសិល្បមួយរយះសិន ព្រោះតែពេលនេះលោកបានប្រលងជាប់ជាស្ថាពរចូលមប្រើការងារជាមន្រ្តីនរគរបាល ហើយតែមានការមមារយឹកខ្លាំងជាមួយនឹងការហ្វឹកហាត់ នឹងត្រៀមខ្លូនដើម្បីដូលបម្រើជាតិក្នុងនាមជាមន្ត្រីនរគរបាល ។ លោកបន្តថាលោកពិតជាមានអារម្មណ៍សប្បាយរីករាយនឹងរំភើបជាខ្លាំងដោយបានប្រលងជាប់និងបានចូលបំរើការងារជូនជាតិ ។ លោកបន្តទៀតថានេះគឺជាក្ដីប្រាថ្នា និងការងារដែលលោកស្រលាញ់តាំងពីតូច ព្រោះលោកធ្លាប់មានក្ដីស្រម៉ៃថាលោកចង់បំរើជាតិ និងប្រជាពលរដ្ឋ ។ យ៉ាងណាលោកបានប្រាប់ថា លោកមិនបានឈប់ពីសិល្បះទាំងស្រុងនោះទេ លោកថាថ្ងៃក្រោយលោកនៅតែបន្តការងារសិល្បះប្រសិនបើមានឪកាសព្រោះលោកនៅតែស្រលាញ់ ៕ដោយ៖វឌ្ឍនា
