សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖បើតាមហ្វេសប៊ុកផ្លូវការផ្ទាល់របស់លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនិងនេសាទបញ្ជាក់ថា រយៈពេល៥ខែឆ្នាំ២០២០នេះ កម្ពុជាបាននាំចេញម្ទេសស្រស់ទៅប្រទេសថៃចំនួន ជាង៣ម៉ឺនតោន។
លោក វេង សាខុន បានសរសេរបញ្ជាក់ក្នុងហ្វេសប៊ុកថា នៅឆ្នាំ២០១៥ នាំចេញម្ទេសបានចំនួន ១,០០២ តោន, ឆ្នាំ២០១៦ ចំនួន ១,៤៩០ តោន, ឆ្នាំ២០១៧ ចំនួន ១,៧៥០ តោន, ឆ្នាំ២០១៨ ចំនួន ១៥,៤៩៤ តោន,ឆ្នាំ២០១៩ ចំនួន ៥៥,៥១៣ តោន, និងរយៈពេល៥ខែ ឆ្នាំ២០២០ ចំនួន ៣០,៨៥២ តោន ។លទ្ធផលនៃការនាំចេញម្ទេសស្រស់ទៅប្រទេសថៃរយៈពេល៦ឆ្នាំចុងក្រោយនេះមានការកើនឡើងជាលំដាប់។
លោករដ្ឋមន្រ្តីបញ្ជាក់ថា នៅឆ្នាំ២០១៩ កម្ពុជា បាននាំចេញកសិផលសំខាន់ៗ ទៅទីផ្សារអន្តរជាតិ ចំនួន៦,៩៣៩,៩៦៨តោន ដែលមាន អង្ករ , ចំណិតដំឡូងមីក្រៀម ដំឡូងមីស្រស់ និងម្សៅដំឡូង , គ្រាប់ស្វាយចន្ទី , គ្រាប់ពោត , ចេក , ស្វាយ , សណ្តែកសៀង, ម្រេច, ម្ទេសស្រស់,និងដំណាំផ្សេងៗជាច្រើនតោនទៀតផង៕សហការី
