សារព័ត៌មាន នគរវត្ត តែងតែនាំមុខគេជានិច្ច
គណៈកម្មការសិទ្ធិមនុស្សរបស់អង្គការសហប្រជាជាតិ (UNHRC)បានព្រមានថា ក្រុមជនជាតិភាគតិចនៅព្រៃអាម៉ាហ្សូន កំពុងប្រឈមបញ្ហាយ៉ាងខ្លាំង ដោយការឆ្លងកូវីដ-១៩។ ជាមួយគ្នានេះអង្គការUNHRCបានជំរុញដល់បណ្តាប្រទេសឲ្យមានវិធានការការពារយ៉ាងល្អបំផុត។
អ្នកសារព័ត៌មានTTXVN ប្រចាំនៅតំបន់អាមេរិកខាងត្បូងបានរាយការណ៍ថា ក្រុមកុលសម្ព័ន្ធ រស់នៅព្រៃអាម៉ាហ្សូនកំពុងប្រឈមបញ្ហាជាច្រើន ពិសេសគឺការឆ្លងរាលដាលនៃវីរុសកូវីដ-១៩ ។ ព្រៃអាម៉ាហ្សូនគ្រប់ដណ្តប់៨ប្រទេសនៅតំបន់អាមេរិកខាងត្បូង រួមមាន ប្រស៊ីល ប៉េរូ កូឡំប៊ី បូឡាវី អេក្វាឌ័រ វេណេហ្ស៊ុយអេឡា Guyana និង Surinam។ នៅក្នុងព្រៃអាម៉ាហ្សូនមានក្រុមកុលសម្ព័ន្ធ ដល់ទៅ៤២០ក្រុមរស់នៅតាមបែបធម្មជាតិ ។
អង្គការ UNHRC បានជំរុញដល់បណ្តាប្រទេសឱ្យបញ្ឈប់រាល់សកម្មភាពអភិវឌ្ឍន៍និងរុករកធនធានធម្មជាតិ ជិតតំបន់រស់នៅរបស់ក្រុមកុលសម្ព័ន្ធ។ កន្លងមកអង្គការសហប្រជាជាតិក៏បាន លើកឡើងពីផលប៉ះពាល់ដល់ក្រុមជនជាតិដើមក្នុងព្រៃ ដោយការឆ្លងរាលដាលនៃវីរុសកូវីដ-១៩។
ប្រេស៊ីល ដែលជាប្រទេសគ្រប់គ្រងព្រៃអាម៉ាហ្សូនច្រើនជាងគេ មកដល់ថ្ងៃទី៦ មិថុនា មានករណីស្លាប់ដោយកូវីដចំនួន៩០៤នាក់ក្នុងរយៈពេល២៤ម៉ោងធ្វើឲ្យចំនួនអ្នកស្លាប់កើនឡើងជាង៣៥ពាន់នាក់ និងឆ្លងសរុបជាង ៦៧២ពាន់នាក់ ៕ដោយ៖ធី រីណា
