សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកូរ៉ូឡាមួយគ្រឿងបេីកបរក្នុងបំណងឆ្លងផ្លូវត្រូវរថយន្តព្រូសបេីកបុកពីចំហៀងរុញឡេីងលើសួនច្បារចែកទ្រូងផ្លូវទាំងអស់គ្នាកល់ជាប់ទៅមុខលែងរួចបណ្តាលឲ្យបុរសម្នាក់រងរបួស។
ហេតុការណ៍នេះបានកេីតឡេីងកាលពីវេលាម៉ោង១និង៥០នាទីរំលងអាធ្រាត្រ ឈានចូលថ្ងៃទី១៦ ខែមិថុនា ឆ្នាំ២០២០ នៅចំណុចផ្លូវលេខ១០៥ កែងផ្លូវលេខ២១៤ ស្ថិតក្នុងសង្កាត់បឹងព្រលិត ខណ្ឌ៧មករា រាជធានីភ្នំពេញ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកកូរ៉ូឡា ពណ៌ប្រផេះ ពាក់ស្លាកលេខភ្នំពេញ2W-2884 បេីកបរដោយបុរសម្នាក់រួមដំណើរជាមួយនឺងបុរសម្នាក់ទៀតតាមបណ្តោយផ្លូវលេខ១០៥ ក្នុងទិសដៅពីត្បូងទៅជេីង ខណៈមកដល់ចំណុចកេីតហេតុដែលជាផ្លូវបំបែកជាបួនស្រាប់តែមានរថយន្តមួយគ្រឿងម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ2BF-1550 បើកតាមបណ្តោយផ្លូវលេខ២១៤ ក្នុងទិសដៅពីលិចទៅកេីត ក៏ជ្រុលទៅបុកពីចំហៀងខាងឆ្វេងនៃរថយន្តកូរ៉ូឡាពេញទំហឹងរុញឡេីងសួនច្បារពុះចែកទ្រូងផ្លូវកល់ជាប់ទៅមុខលែងរួច និងបណ្តាលឲ្យភាគីខាងរថយន្តកូរ៉ូឡារងរបួសផងដែរ។
ក្រោយកេីតហេតុភាគីខាងម្ចាស់រថយន្តព្រូសបានចុះពីរថយន្តគេចខ្លួនបាត់ស្រមោល។ ដោយឡែកភាគីខាងរថយន្តកូរ៉ូឡាត្រូវបានរថយន្តសង្គ្រោះដឹកទៅមន្ទីរពេទ្យផងដែរ។ ចំណែករថយន្តទាំង២គ្រឿងត្រូវបានសមត្ថកិច្ចជំនាញធ្វេីការវាស់វែងយកទៅរក្សាទុកនៅអធិការដ្ឋាននគរបាលខណ្ឌ៧មករារង់ចាំដោះស្រាយតាមច្បាប់៕ដោយ ៖សុខាសែនជ័យ
