សារព័ត៌មាន នគរវត្ត តែងតែនាំមុខគេជានិច្ច
អាល្លឺម៉ង់៖ក្រុម Bayern Munich បានប្រារព្ធពិធីអបអរសាទរនៅឯកីឡដ្ឋានដោយគ្មានអ្នកចូលទស្សនាជាលើកដំបូងក្នុងប្រវត្តិសាស្ត្រ បន្ទាប់ពីទទួលបានជ័យជម្នះលើក្រុមម្ចាស់ផ្ទះ Werder Bremen ក្នុងលទ្ធផល ១ទល់០ ដែលការឈ្នះពាននេះក៏ជាភាពអស្ចារ្យរបស់ក្លឹបដែលឈ្នះ៨ឆ្នាំជាប់ៗគ្នា។
ខ្សែប្រយុទ្ធ Robert Lewandowski ជាអ្នករកគ្រាប់បាល់ជ័យជម្នះនៅយប់ម្សិលមិញទៅលើក្លឹប Werder Bremen នៅនាទីទី៤៣។ ការឈ្នះពានរង្វាន់លីគកំពូលអាល្លឺម៉ង់ Bundesliga ជាលើកទី១១របស់ក្លឹបធ្វើឱ្យពួកគេមាន១០ពិន្ទុលើក្រុមលេខ២ Borussia Dortmund ដែលនៅសល់៣ប្រកួតទៀតប៉ុណ្ណោះចប់រដូវកាល។
កីឡាករ Alphonso Davies ត្រូវបានបណ្តេញចេញពីបទពិន័យកាតលឿងចំនួន២ដងនៅនាទីទី៧៩។ បើទោះបីជានៅសល់១០នាក់ក៏ដោយ ក្រុមម្ចាស់ផ្ទះមិនអាចរកគ្រាប់បាល់តាមស្មើក្រុមភ្ញៀវបានទេ ធ្វើឲ្យក្រុម Bayern Munich ឈ្នះមួយប្រកួតនេះគឺដាច់ពិន្ទុក្រុមលេខ២ Borussia Dortmund លើកពានតែម្តង ។
សូមបញ្ជាក់ថា ក្រុម Bayern Munich បានឈ្នះពានរង្វាន់ Bundesliga ចំនួន៨ឆ្នាំជាប់ៗគ្នា ដែលគ្មានក្លឹបណាធ្វើបានឡើយគឺជាម្ចាស់ជើងឯកលីគកំពូលអាល្លឺម៉ង់មួយនេះចាប់ពីឆ្នាំ២០១៣-២០២០នេះ ៕ដោយ៖ភារៈ
