សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ដោយសារតែការប្រេីប្រាស់ថ្នាំញៀនជាប្រចាំទើបធ្វើឱ្យបាត់បង់ស្មារតីលែងស្គាល់ល្អអាក្រក់និងឈានទៅដល់បញ្ចប់ជីវិតខ្លួនឯងដោយយកក្រមាចង.កនៅលេីផ្ទះរបស់ខ្លួនបង្កការភ្ញាក់ផ្អេីលកាលពីវេលាម៉ោង៤រសៀលថ្ងៃទី១៩ ខែមិថុនា ឆ្នាំ២០២០ នៅក្នុងភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ។
ជនរងគ្រោះឈ្មោះឆាប់ ប៉ាក ភេទប្រុសអាយុ២៦ឆ្នាំ មុខរបរមិនពិតប្រាកដ ស្នាក់នៅកន្លែងកេីតហេតុ។
តាមប្រភពព័ត៌មានបានឲ្យដឹងថា យុវជនរងគ្រោះជាក្មេងកំព្រា រាល់ថ្ងៃស្នាក់នៅផ្ទះជាមួយជីតាអាយុ៩០ឆ្នាំ ហេីយជនរងគ្រោះបានប្រេីប្រាស់ថ្នាំញៀនជាយូរឆ្នាំមកហេីយរហូតបង់បង់ស្មារតីមិនអាចគ្រប់គ្រងអារម្មណ៍ខ្លួនបានគឺដេីរតែនិយាយម្នាក់ឯងដូចមនុស្សឆ្គួត។
ប្រភពដដែលបានបន្តថា កន្លងមកជនរងគ្រោះត្រូវបានសមត្ថកិច្ចចាប់យកទៅមណ្ឌលកែប្រែម្តងរួចមកហេីយ។ បន្ទាប់ពីចេញពីមណ្ឌលកែប្រែវិញយុវជនខាងលេីក៏បន្តការប្រេីប្រាស់ថ្នាំញៀនទៀត រហូតមកដល់ថ្ងៃកេីតហេតុយុវជនខាងលេីបានអង្គុយសំពះនៅមុខផ្ទះនិងបាននិយាយថាម្ចាស់ទឹក ម្ចាស់ដី និងម្ចាស់ផ្ទះ ថ្ងៃនេះសុំបង្ហាញមុខមកជួបខ្ញុំ បេីមិនចេញទេយេីងនឹងចប់គ្នាត្រឹមនេះ។
ប្រភពដដែលបន្តទៀតថា បន្ទប់មកយុវជនរងគ្រោះបានឡេីងទៅលេីផ្ទះបាត់ទៅ។ក្រោយមកស្រាប់តែអ្នកជិតខាងដេីរកាត់មុខផ្ទះក្រឡេកទៅឃេីញជនរងគ្រោះចង.កសម្លាប់ខ្លួនបាត់ទៅហេីយ ដោយយកក្រម៉ាចង.កភ្ជាប់នឹងធ្នឹមផ្ទះ។
ក្រោយកេីតហេតុសមត្ថកិច្ចបានចុះទៅដល់កន្លែងកេីតហេតុពិនិត្យជាក់ស្តែងឃេីញថាជនរងគ្រោះពិតជាស្លាប់ដោយចង.កពិតប្រាកដមែន ហេីយបានប្រគល់ទៅសាច់ញាតិយកទៅធ្វេីបុណ្យតាមប្រពៃណី៕ដោយ ៖សុខាសែនជ័យ
