សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ កម្លាំងនគរបាលជំនាញបានឃាត់ខ្លួនជនសង្ស័យ៣នាក់ដោយប្រើវិធានការញុះញង់ ក្រោយពីរកឃេីញថាជននេះជួញដូរសារធាតុញៀនដែលច្បាប់ ហាមឃាត់ ។ អ្នកទាំង៣នាក់ត្រូវចាប់ឃាត់ខ្លួននៅថ្ងៃទី១៩ ខែមិថុនា ឆ្នាំ២០២០ វេលាម៉ោង១៧៖០០នាទី ក្នុងភូមិអន្លុងគគីរ ឃុំស្តៅ ស្រុកកងមាស ខេត្តកំពង់ចាម ។
ការបង្ក្រាបនិងឃាត់ខ្លួនជនសង្ស័យទាំង៣នាក់ដោយកម្លាំងជំនាញការិយាល័យប្រឆាំងគ្រឿងញៀនខេត្តសហការជាមួយជំនាញស្រុកកងមាស និងស្រុកបាធាយ ដឹកនាំដោយលោកវរសេនីយ៍ឯក ជីវ សេងរស់ ស្នងការរងទទួលផែនប្រឆាំងគ្រឿងញៀនខេត្ត ។
ក្រោយឃាត់ខ្លួនជនសង្ស័យទាំង៣នាក់សមត្ថកិច្ចដកហូតវត្ថុតាងរួមមាន ថ្នាំញៀនចំនួន៤កញ្ចប់ ទូរស័ព្ទដៃចំនួន៣គ្រឿង ប្រាក់ចំនួន២៣០.០០០រៀល ។
សូមបញ្ជាក់ថា ចំពោះជនសង្ស័យនិងវត្ថុតាងខាងលេី បានប្រគល់ជូនការិយាល័យជំនាញខេត្តដើម្បីស្រាវជ្រាវនិងកសាងសំណុំរឿងតាមនីតិវិធី ៕ ដោយ៖ វណ្ណៈ
