សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវសមត្ថកិច្ចប៉ុស្តិ៍ភ្នំពេញស្រាវជ្រាវរហូតដល់ការឃាត់ខ្លួនក្រោយពីរូបគេបានធ្វើសកម្មភាពឆក់កាបូបលុយកាលពីថ្ងៃទី១៨ ខែមិថុនា ឆ្នាំ២០២០វេលាម៉ោង០៦ និង៤០នាទី ។ ករណីឃាត់ខ្លួនជនសង្ស័យខាងលើនៅវេលាម៉ោង១៤ និង០០នាទីថ្ងៃទី២៦ ខែមិថុនា ឆ្នាំ២០២០ នៅចំណុចតាមផ្លូវ១០១១ ភូមិឧញ្ញ៉ាវាំង សង្កាត់ភ្នំពេញថ្មី ខណ្ឌសែនសុខ។
សមត្ថកិច្ចបានឲ្យដឹងថា៖ ជនសង្ស័យមានឈ្មោះ ថន វិចិត្រ ភេទប្រុស អាយុ១៦ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះជួល ផ្លូវបេតុង ភូមិអណ្តូង សង្កាត់គោករការ ខណ្ឌព្រែកព្នៅ ឃាត់នៅចំណុចមុខផ្សារហេងលី ភូមិបុរីកម្មករ សង្កាត់ទឹកថ្លា ខណ្ឌសែនសុខ (មានសារធាតុញៀន) ។
បានធ្វើសកម្មភាពឆក់កាបូបលុយរបស់ ឈ្មោះ ឆាត់ សុភាព ភេទស្រី អាយុ៥៤ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះ២៤ ផ្លូវ១០១១ ភូមិឧកញ្ញ៉ាវាំង សង្កាត់ ភ្នំពេញថ្មី ខណ្ឌសែនសុខ ។ សម្ភារៈបាត់បង់ កាបូបយួ០១ , ទូរសព្ទ័ដៃ០១គ្រឿង , លុយខ្មែរ១៧០.០០០រៀល ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕ដោយ៖ ចន្ទ លីហ្សា
