សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលប៉ុស្តិ៍ឃ្មួញ និងប៉ុស្តិ៍ក្រាំងធ្នង់ នៃអធិការដ្ឋាននគរបាលខណ្ឌសែនសុខ បានធ្វើការឃាត់ខ្លួនជនសង្ស័យ២នាក់ ករណីប្រើប្រាស់ដោយខុសច្បាប់នូវសារធាតុញៀន ។
តាមប្រភពព័ត៌មានពីមន្រ្តីនគរបាលប៉ុស្តិ៍ឃ្មួញ បានឲ្យដឹងថា នៅថ្ងៃទី២៦ខែមិថុនា ឆ្នាំ២០២០ វេលាម៉ោង១១ព្រឹក បានឃាត់ខ្លួនជនសង្ស័យម្នាក់ឈ្មោះ រស់ សារិន ភេទប្រុស អាយុ២៧ឆ្នាំ ជនជាតិខ្មែរមុខរបរកម្មរសំណង់ស្នាក់នៅផ្ទះជួល ភូមិសែនសុខ៥ សង្កាត់ឃ្មួញ ខណ្ឌសែនសុខ (ពិនិត្យទឹកនោម) ។
ចំណែកនគរបាលប៉ុស្តិ៍រដ្ឋបាលក្រាំងធ្នង់ បានឃាត់ខ្លួនជនសង្ស័យម្នាក់នៅវេលាម៉ោង២១ និង៣០នាទីនៅថ្ងៃទី២៦ ខែមិថុនា ឆ្នាំ២០២០ នៅចំណុតាមផ្លូវបេតុង ភូមិកក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ។
ដោយជនសង្ស័យមាន ឈ្មោះ វ៉ាន់ គឹមហៃ ភេទប្រុស អាយុ៣១ឆ្នាំ ជនជាតិខ្មែរ មុខរបរបើកឡាន ស្នាក់នៅផ្ទះ២១៥ ផ្លូវបេតុង ផ្លូវបេតុងភូមិកក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ (ពិនិត្យទឹកនោម) ។
បច្ចុប្បន្ន ជនសង្ស័យទាំង២នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕
ដោយ៖ ចន្ទ លីហ្សា
