សារព័ត៌មាន នគរវត្ត តែងតែនាំមុខគេជានិច្ច
សភាតំណាងរាស្ត្ររបស់អាមេរិក បានអុនម័តទណ្ឌកម្មថ្មីទៅលើចិនក្រោយពេលដែលចិនបានអនុម័តច្បាប់សន្តិសុខជាតិហុងកុង។
ច្បាប់សន្តិសុខជាតិហុងកុង ដែលគណៈអចិន្ត្រៃយ៍សភាប្រជាជនចិន បានអនុម័តនៅថ្ងៃទី៣០ ខែមិថុនា ត្រូវបានរិះគន់យ៉ាងខ្លាំងពីសំណាក់ប្រទេសជាច្រើនលើសកលលោក ថាច្បាប់នេះបានដកហូតសិទ្ធិសេរីភាពប្រជាជនហុងកុង។
សភាតំណាងរាស្ត្ររបស់អាមេរិក បានអុនម័តជាឯកច្ឆន្ទទណ្ឌកម្មលើធានាគារណាដែលរកស៊ីជាមួយនឹងមន្ត្រីរបស់ចិន។ ព្រឹទ្ធសភានឹងពិនិត្យលើការអនុមត័នេះមុនពេលទៅដល់ប្រធានាធិបតីដូណាល់ត្រាំ។
ក្រុមអ្នករិះគន់បាននិយាយថាច្បាប់សន្តិសុខជាតិហុងកុង ដែលប្រទេសចិនទើបតែអនុម័តគឺបានបញ្ចប់សេរីភាពប្រជាជនចិនដែលត្រូវបានធានារយះពេលរហូតដល់ទៅ៥០ឆ្នាំក្រោយអង់គ្លេសបញ្ចប់ការគ្រប់គ្រងរបស់ខ្លួនក្នុងឆ្នាំ១៩៩៧។
នាយករដ្ឋមន្រ្តីអង់គ្លេសលោក Boris Johnsonក៏បានអះអាងថា ការអនុម័តច្បាប់របស់ចិនគឺជា ការរំលោភធ្ងន់ធ្ងរយ៉ាងច្បាស់ទៅលើកិច្ចព្រមព្រៀងសេចក្តីប្រកាសរួមចិនអង់គ្លេសឆ្នាំ ១៩៨៥៕
ដោយ៖ភារៈ
