សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ថានទូតកម្ពុជាប្រចាំប្រទេសម៉ាឡេសុីបានបញ្ជាក់ថា៖នៅព្រឹកថ្ងៃទី០៣ ខែកក្កដា ឆ្នាំ២០២០ វេលាម៉ោង ៩និង៣០នាទី ជេីងយន្តហោះពាណិជ្ជកម្មលេខ MH754 របស់ក្រុមហ៊ុនអាកាសចរណ៍ម៉ាឡេស៊ី បានដឹកអ្នកដំណេីរសរុបចំនួន ១៩២ នាក់ ឆ្ពោះកាន់ទីក្រុងភ្នំពេញ។
ស្ថានទូតកម្ពុជាប្រចាំប្រទេសម៉ាឡេសុីបានបន្តថា៖ ក្នុងនោះ ពលរដ្ឋខ្មែរសរុបមានចំនួន ១២២នាក់ ម៉ាឡេស៊ីចំនួន ៤៤នាក់ និងអ្នកដំណើរឆ្លងកាត់ដែលជាជនជាតិខ្មែរកាន់លិខិតឆ្លងដែនបរទេស និងជនបរទេសផ្សេងទៀតមានចំនួន ២៦នាក់ បានធ្វើដំណើរមកពី១០ប្រទេស។
សូមបញ្ជាក់ជូនថា នេះគឺជាជេីងហោះហេីរពាណិជ្ជកម្មធម្មតា ដោយមានការជួយសម្របសម្រួលបន្ថែមពីស្ថានទូតកម្ពុជាប្រចាំប្រទេសម៉ាឡេស៊ី៕
ដោយ៖សិលា
