រថយន្តម៉ាកFortuner ពន្លះបង្គោលភ្លេីងកណ្ដាលសួនទ្រូងផ្លូវជាតិលេខ១​ បណ្ដាលឲ្យរងការខូចខាតយ៉ាងដំណំ

    ភ្នំពេញ​ ៖​ បុរសម្នាក់បេីករថយន្តម៉ាកFortuner ក្នុងល្បឿនលឿន​ បានជ្រុលចង្កូតទៅបុកបង្គោលភ្លេីងនៅកណ្ដាលសួនទ្រូងផ្លូវជាតិលេខ១​ បណ្ដាលឲ្យរងការខូចខាតយ៉ាងដំណំ​ ។

     ករណីគ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង២១​ និង២០នាទីយប់​ ថ្ងៃទី៩​ ខែកក្កដា​ ឆ្នាំ​២០២០​ នៅចំណុចមុខវត្តនិរោធ​ ក្នុងភូមិបឹងឈូក​ សង្កាត់និរោធ​ ខណ្ឌច្បារអំពៅ​ រាជធានីភ្នំពេញ​ ។

​    យោងតាមរបាយការណ៍របស់សមត្ថកិច្ចមូលដ្ឋានបានឲ្យដឹងថា​ អ្នកបេីកបររថយន្តបង្កម៉ាក​ Fortuner ពណ៌ខ្មៅ​ ពាក់ស្លាកលេខ​ ភ្នំពេញ​ 2AZ-1962 មានឈ្មោះ​ សេង​ សុខា​ ភេទប្រុស​ អាយុ៥៩ឆ្នាំ​ មុខរបបបេីកបរថយន្ត​ ស្នាក់នៅភូមិដោះក្រមុំ​ សង្កាត់សុខដុម​ ក្រុងសែនមនោរម្យ​ ខេត្តរមណ្ឌលគីរី​ បានបេីកបរលេីផ្លូវជាតិលេខ១​ ទិសដៅពីលិចទៅកេីត​ លុះបេីកមកដល់ចំណុចកេីតហេតុខាងលេី​ ក៏បុកបង្គោលភ្លេីងបំភ្លឺផ្លូវកណ្ដាលសួនច្បារ​ បណ្ដាលឲ្យបាក់អស់១ដេីម​ រីឯរថយន្តក៏រងការខូចខាតផងដែរ​ ។

​    ក្នុងករណីគ្រោះថ្នាក់ចរាចរណ៍នេះ​ សមត្ថកិច្ចបានឲ្យដឹងថា​ បណ្ដាលមកពីអ្នកបេីកបរលឿន​ សំណាងល្អគ្មានអ្នករបួស​ ។ ចំពោះរថយន្តបង្កត្រូវបានសមត្ថកិច្ចជំនាញធ្វេីការវាស់វែងយកទៅរក្សាទុកនៅអធិការដ្ឋាននគរបាលខណ្ឌច្បារអំពៅ​ រង់ចាំដោះស្រាយតាមច្បាប់៕​ ដោយ៖​ ភារ៉ា​ ដង្កោ