សារព័ត៌មាន នគរវត្ត តែងតែនាំមុខគេជានិច្ច
ក្រុងប៉េកាំង៖ តំបន់ដែលប្រឈមការឆ្លងកូវីដ-១៩ច្រើន នៅទីក្រុងប៉េកាំងពេលនេះមិនមានអ្នកឆ្លងថ្មីទៀតឡើយជាច្រើនថ្ងៃកន្លងមក ធ្វើឲ្យរដ្ឋាភិបាលសម្រេច កាត់បន្ថយការរឹតត្បិត។
ក្រោយរយៈពេល៥ថ្ងៃ ជាប់គ្នា ដែលមិនមានករណីឆ្លង កូវីដ-១៩ មន្ត្រីក្នុងតំបន់បានសម្រេចកាត់បន្ថយការរឹតត្បិតតាំងពីយប់ថ្ងៃទី១១ខែកក្កដា។ មន្ត្រីរដ្ឋាភិបាលក្នុងតំបន់បានសម្រេចឲ្យពលរដ្ឋមានសេរីភាពឡើងវិញក្រោយ មិនមានបញ្ហាប្រឈមមុខខ្លាំង។
កាលពី១សប្តាហ៍កន្លងមក មន្ត្រីទីក្រុងប៉េកាំង បានបិទតំបន់ជាច្រើនកាត់បន្ថយការធ្វើដំណើរ ដើម្បីទប់ស្កាត់ការឆ្លងកូវីដ-១៩។ ប៉ុន្តែពេលនេះពលរដ្ឋអាចធ្វើដំណើរបានដោយសេរីហើយ។
សូមបញ្ជាក់ផងដែរថា នៅទីក្រុងប៉េកាំងមាន១២ តំបន់ដែលប្រឈមការឆ្លងត្រូវបិទទ្វារ នាពេលកន្លងមក។
តាមការប្រកាសថ្មីបំផុតរបស់គណៈកម្មការសុខាភិបាលទីក្រុងប៉េកាំងបានបញ្ជាក់ថា ចំនួនអ្នកឆ្លង នៅទីក្រុងប៉េកាំងតាំងពីថ្ងៃទី១១ខែមិថុនា មកទល់ពេលនេះមាន៣៣៥នាក់។
មន្ត្រីឯកទេសស្តីពីជំងឺឆ្លងចិនបានឲ្យដឹងថា កម្រិតនៃការប្រកាសអាសន្ន នឹងត្រូវ លុបចោល ក្នុងរយៈពេល៧ទៅ១០ថ្ងៃខាងមុខ ទៀត ។
នៅពេលនេះរាល់សកម្មភាពសង្គមនានាអាចនឹងត្រូវបានតភ្ជាប់វិញហើយ៕ដោយ៖ធី រីណា
