សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សូមរំលឹកបន្តិច មានទ្រឹស្តីនិងការអនុវត្តជាក់ស្តែងនៃការធ្វេីស្រែ៖
- សម័យខែ្មរក្រហម ជំរុញប្រជាជនខែ្មរគ្រប់ៗរូបឱ្យធ្វេីស្រែដោយផ្អែកលេីគោលការណ៍កំណត់ថា “សំរេចមហិ្ឆតាផលិតផលស្រូវមួយហិចតា៣តោន” តែបែរប្រជាពលរដ្ឋគ្មានបាយហូប ហូបតែទឹកបបរ! ប្រជាជនស្លាប់ដោយដាច់អាហាររាប់លាននាក់!
- សម័យសម្តេចតេជោ៖ បាននាំប្រជាជននិងប្រទេសឆ្លងផុតពីវាលពិឃាតកាប់សម្លាប់មនុស្សដូចសត្វធាតុនៃរបបខែ្មរក្រហម ពីសង្គ្រាមសុីវិលបែកបាក់គ្នាមកមានសន្តិភាពពេញលេញ! បានដឹកនាំប្រជាជនចេញផុតពីភាពអត់ឃ្លានគ្មានស្បៀងអាហារបរិភោគ ដេីរសុំទានពីបរទេសឱ្យជួយស្បៀងអាហារ ឱ្យក្លាយជាប្រទេសនាំចេញស្បៀងអាហារ ស្រូវអង្ករ ស្វាយ ចេក….ទៅប្រកួតប្រជែងទីផ្សារអន្តរជាតិក្នុងពិភពលោក! ទំនេីបកម្មបច្ចេកវិទ្យាដោយវិស័យឯកជនចូលរួមយ៉ាងសកម្ម មានគ្រឿងយន្តកសិកម្មជាគោល មានម៉ាសុីនស្ទូងស្រូវ ម៉ាសុីនដាំស្រូវ(ដីស្ងួត) ម៉ាសុីនច្រូតស្រូវ ផលិតផលកេីនមធ្យមជិត៥តោនក្នុងមួយហិចតាក្នុងមួយរដូវ ដែលមានដីស្រែខ្លះអាចមានសមត្ថភាពផលិតបាន២-៣រដូវក្នុងមួយឆ្នាំ!ឥឡូវនេះកសិករ លក់ស្រូវនៅវាលស្រែ មិនមែនលក់ស្រូវពីក្រង់ស្រូវទៀតទេ! ។
សូមជម្រាបថា៖ សម្តេចតេជោបានប្រកាសទិញម៉ាស៊ីនព្រួសស្រូវប្រភេទធន់ធំចំនួន១,០០០គ្រឿង និងប្រភេទធន់តូច១,០០០គ្រឿង ។ សម្តេចតេជោនឹងផ្តល់ជូនបងប្អូនប្រជាកសិករចំនួន ១៣០គ្រួសារដែលក្នុង១គ្រួសារទទួលបានម៉ាស៊ីនមួយគ្រឿង។ នៅក្នុងឱកាសនោះដែរ សម្តេចតេជោ ហ៊ុន សែន ក៏បាន ផ្តល់អំណោយអនុស្សវរីយ៍មានជាសម្ភារៈប្រើប្រាស់មួយចំនួន ជាពិសេសសម្ភារៈប្រើប្រាស់ការពារកូវីដ១៩ ស្រូវពូជ និង ថវិកាមួយចំនួនទៀតផង៕
ដោយ៖សិលា
