សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នារីម្នាក់បេីករថយន្តម៉ាកតូយ៉ូតាព្រូសទាំងមេឃកំពុងភ្លៀងខ្លាំង រួមនិេងភ្នែករបស់គាត់មីញ៉ូបមេីលមិនសូវច្បាស់ផងនោះ ក៏ជ្រុលទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យបាក់អស់១កង់ ឯរថយន្តរងការខូចខាតយ៉ាងដំណំផងដែរ ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១២ និង០៥នាទីរំលងអធ្រាត្រ ឈានចូលថ្ងៃទី២៤ ខែកក្កដា ឆ្នាំ២០២០ នៅចំណុចមុខអគារភ្លោះ (មជ្ឈមណ្ឌល
ព្រីងផ្លាស្សា ) តាមបណ្ដោយផ្លូវព្រះនរោត្ដម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បេីតាមសម្ដីនារីម្នាក់វ័យប្រហែល២០ឆ្នាំ ជាអ្នកបើករថយន្តបង្កម៉ាក តូយ៉ូតាព្រូស ពណ៌ប្រផេះ ពាក់ស្លាកលេខភ្នំពេញ 2AI -7811 បានប្រាប់ឲ្យដឹងថា រូបគាត់បានធ្វេីដំណេីរចុះពីលេីស្ពានក្បាលថ្នល់ មកផ្លូវព្រះនរោត្ដមក្នុងទិសដៅពីត្បូងទៅជេីង ហេីយរូបគាត់មានបញ្ហាភ្នែកមីញ៉ូបរួមទាំងមេឃកំពុងភ្លៀងខ្លាំងផង ក៏មេីលផ្លូវមិនសូវឃេីញជ្រុលចង្កូតទៅបុករបាំងថ្មពុះចែកទ្រូងផ្លូវបណ្ដាលឲ្យបាក់អស់១កង់ ឯរថយន្តរងការខូចខាត និងធ្វេីឲ្យរូបគាត់របួសដៃតិចតួច។
ក្រោយមក នារីខាងលេីបានទុករថយន្តបង្កនៅកន្លែងកេីតហេតុហេីយចេញទៅបាត់ ។ បន្ទាប់មកទេីបមានសមត្ថកិច្ចមូលដ្ឋានទាក់ទងទៅជំនាញចរាចរណ៍ចុះមកធ្វេីការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជរាជធានីភ្នំពេញ រង់ចាំដោះស្រាយតាមច្បាប់ពេលក្រោយ ៕ ដោយ ៖ ភារ៉ា ដង្កោ
