សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ មន្ត្រីរដ្ឋាភិបាលបូឡាវី បានប្រកាសឲ្យដឹងថា ប្រទេសនេះបានសម្រេចពន្យារពេលបោះឆ្នោតជាលើកទីពីរដោយសារតែការឆ្លងរាលដាលកូវីដ-១៩។ តាមគម្រោងការពន្យារពេលរហូតដល់ថ្ងៃទី ១៨ ខែតុលា ឆ្នាំ២០២០ ។
សារព័ត៌មានAFPបានផ្សាយថា ការបោះឆ្នោតនៅក្នុងប្រទេសបូឡាវី ពេលដំបូងឡើងគម្រោងរៀបចំឡើងនៅខែ ឧសភា ប៉ុន្តែក្រោយមកបានពន្យារដល់ថ្ងៃទី៦ខែកញ្ញា ក្រោយប្រទេសនេះបាន ដាក់បម្រាមគោចរប្រឆាំងកូវីដ-១៩ ។
ការសម្រេចពន្យារពេល បោះឆ្នោតជាលើកទីពីរ ក្រោយពេល ប្រធានាធិបតីបណ្តោះអាសន្នលោក Bolivia Jeanine Anez ធ្វើតេស្ត មានលទ្ធផល វិជ្ជមានចំពោះកូវីដ-១៩។ ជាមួយគ្នានោះដែរក៏មានសមាជិកគណៈរដ្ឋមន្ត្រី ៤រូប ឆ្លងកូវីដ-១៩ នោះដែរ។
ការពព្យារពេលលើកនេះ បន្ទាប់ពីក្រុមអ្នកឯកទេសបោះឆ្នោតព្រមានថា នឹងមានអ្នកឆ្លងកូវីដ-១៩នៅក្នុងប្រទេសបូឡាវី នឹងកើនឡើងខ្ពស់បំផុតនៅចុងខែសីហា ឬដើមខែកញ្ញាឆ្នាំ២០២០។ ដូច្នេះ ទើបប្រទេសនេះសម្រេចពន្យារពេល ដល់ខែតុលា។
បូឡាវីជាប្រទេសមានពលរដ្ឋ ១១,៥លាននាក់ ហើយមានអ្នកឆ្លងកូវីដ-១៩ ជាង ៦៤ពាន់នាក់ និងស្លាប់ ២៣០០នាក់ផងដែរ៕ធី រីណា
