សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់ជិះម៉ូតូព្យាយាមវ៉ារថយន្តសណ្តោងកុងតឺន័រមួយគ្រឿងតែមិនផុតក៏ដួលខ្ទាតចូលក្រោយរថយន្តសំណាងល្អរបួសស្រាល កាលពីវេលាម៉ោង១០យប់ថ្ងៃទី២៧ ខែកក្កដា ឆ្នាំ២០២០ នៅចំណុចមុខផ្សារកាណាស៊ីធី តាមបណ្តោយផ្លូវចោមចៅ សង្កាត់ចោមចៅទី២ ខណ្ឌពោធិ៍សែនជ័យ ហេីយរថយន្តបង្កបានអូសម៉ូតូជាប់ខាងក្រោមរថយន្តព្យាយាមបេីករត់រហូតមកដល់ចំណុចជិតនិងរង្វង់មូលចោមចៅទេីប ប្រជាពលរដ្ឋដេញឃាត់ចំណែកតៃកុងចុះរត់គេចខ្លួនបាត់។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តកុងតឺន័រមួយគ្រឿង ក្បាលពណ៌ខៀវ ពាក់ស្លាកលេខកំពង់ស្ពឺ3A 4449 បេីកបរតាមបណ្តោយផ្លូវចោមចៅក្នុងទិសដៅពីកេីតទៅលិចខណះមកដល់ចំណុចកេីតហេតុក៏មានម៉ូតូម៉ាកហុងដាឌ្រីមសង់ស៊េរីឆ្នាំ២០១៩ ពាក់ស្លាកលេខកំពង់ឆ្នាំង1E 7339 បេីកបរដោយយុវជនម្នាក់ធ្វេីដំណេីរមកពីក្រោយព្យាយាមវ៉ាតែមិនផុតក៏ក្រឡាច់កង់ដួលខ្ទាតម៉ូតូចូលក្រោមរថយន្តកិនអូសរហូតមកដល់ចំណុចជិតរង្វង់មូលចោមចៅទើបប្រជាពលរដ្ឋដេញឃាត់បានចំណែកតៃកុងបានចុះគេចខ្លួនបាត់។
ក្រោយពេលកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុនិងទាក់ទងទៅជំនាញចរាចរណ៍រាជធានីដេីម្បីធ្វេីការវាស់វែងយកម៉ូតូនិងរថយន្តទៅរក្សាទុកនៅការិយាល័យចរាចរណ៍ជេីងគោករង់ចាំដោះស្រាយតាមច្បាប់៕ដោយ ៖សុខាសែនជ័យនិងផេង ភាព
