សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ តាមពិតការបំប៉ោងព័ត៌មាន ការផ្តល់ព័ត៌មានក្លែង ដល់សមត្ថកិច្ច ក្នុងចេតនាណាមួយ ក្នុងគោលបំណងបម្រើឱ្យផលប្រយោជន៍ខ្លួន អាចជាបទល្មើស ។ ក្នុងនោះ ក្នុងទូគ្មានលុយ១រៀល Love Riya ថា ចោរលួចទូដែកអស់៣០មុឺនដុល្លារ តែស្នងការខេត្តកណ្តាលថាក្នុងទូគ្មានលុយទេ ។
បើយោងតាមទំព័រហ្វេសប៊ុករបស់ស្នងការនគរបាលខេត្តកណ្តាល បានអោយដឹងថា៖ កើតហេតុថ្ងៃទី២ ខែសីហា ឆ្នាំ២០២០វេលាម៉ោង១១.០០នាទីនៅចំណុចផ្ទះជនរង គ្រោះ ស្ថិតក្នុងភូមិ ព្រែកតាពៅ សង្កាត់ដេីម មៀន ក្រុងតាខ្មៅ ខេត្តកណ្តាល។
ជនរង គ្រោះ០១នាក់៖ឈ្មោះ សេង ស្រីរ័ត្ន ភេទស្រី អាយុ៣៥ឆ្នាំ ទីលំនៅកន្លែង កេីតហេតុខាងលេី មុខរបរលក់ឡេ។
ដោយឡែកជនសង្ស័យមិនស្គាល់ អត្តសញ្ញាណ(គេចខ្លួន)។ សម្ភារៈបាត់បង់៖-ទូដែកតូច ទទេ(គ្មានលុយ) ចំនួន ០១វត្ថុតាងចាប់យក៖ គ្មានសភាព នៃរឿងហេតុកាលពីថ្ងៃទី១ ខែសីហា ឆ្នាំ២០២០ វេលាម៉ោង១០.០០នាទី ជនរងគ្រោះនិងក្រុម គ្រួសារព្រមទាំងបុគ្គលិក លក់ឡេទាំងអស់ បានចាកចេញ ពីផ្ទះទៅលេងខេត្តកំពត ដោយបានបិទបារ៉ែតភ្លេីង បិទទ្វារបង្អួចផ្ទះជាន់ក្រោមទាំងអស់ ។ ចំណែកជាន់ទី១វិញបានបិទទ្វារតែភ្លេចចាក់សោរ រួចហេីយ បានធ្វេីដំណេីរចេញពីផ្ទះទាំង អស់គ្នាទៅ
លុះដល់ថ្ងៃទី២ ខែឆ្នាំដដែល វេលាម៉ោង១១ថ្ងៃត្រង់ពេលជនរងគ្រោះត្រឡប់មកដល់ផ្ទះវិញទេីបដឹងថាមានចោរឡេីងចូល លួចទូ ដែកតូច គ្មានដាក់លុយអស់១ចំណែក ឯទូដែកធំត្រូវបានចោរ លេីកមកដាក់នៅសំយ៉ាប ខាងមុខ ក្រៅពីនេះ ពុំមានបាត់បង់ អ្វីទៀតឡេីយ ។ ទេីបរាយការណ៍ជូនសមត្ថកិច្ចដេីម្បីចុះពិនិត្យកន្លែងកេីតហេតុ និងជួយស្រាជ្រាវ រកមុខសញ្ញាយកផ្តន្ទាទោសតាមច្បាប់។
ផេកដដែលបានបន្តថា៖ កាលពីថ្ងៃម្សិលមុិញនេះអ្នកនាងបានទៅដើរលេងកម្សាន្ត នៅឯខេត្តកំពត យ៉ាងសប្បាយរីករាយជា មួយកូនចៅ. ។ បន្ទាប់ពីធ្វើដំណើរ កម្សាន្តរួច ស្រាប់តែនៅថ្ងៃទី០២ ខែសីហា ឆ្នាំ២០២០នេះ អ្នកនាង បានឡាយ វិដេអូ ពីសកម្មភាព ចោរចូលលួច យកទូដែកទៅបាត់អស់មួយ។ អ្នកនាងបានប្រាប់ថា ៖“ចោរមកលួចទូដែក របស់អ្នកនាង ជិះសុទ្ធតែឡាន ហើយវា វាយក្រោយ ផ្ទះដើម្បីចូលទៅ លួចលុយរបស់អ្នក នាង”អ្នកនាង បានបន្ថែមទៀតថា “លុយនៅក្នុងទូដែក តូច របស់អ្នកនាង មានចំនួន ៣០ម៉ឺនដុល្លារ ដែល ចោរលួច យកទៅបាត់ តែសំណាង ល្អ នៅទូដែកធំមួយទៀត “ ។
ពាក់ព័ន្ធករណីនេះ លោកឧត្តមសេនីយ៍ ឈឿន សុចិត្ត ស្នងការនគរបាលខេត្តកណ្តាល បានអោយអង្គភាព នគរដ្រេហ្គន ដឹងតាមទូរស័ព្ទ នៅព្រលប់ថ្ងៃទី៣ ខែសីហា ឆ្នាំ២០២០ ថា៖ ក្នុងរឿងនេះលោកបានឱ្យមន្ត្រីចុះទៅដល់កន្លែងកើតហេតុ ប្រមូលវត្ថុតាង ស្តាប់ចម្លើយម្ចាស់ទីតាំង ហើយពិនិត្យពិតប្រាកដ មិនមានលុយដែលត្រូវបាត់ ខណៈលុយក្នុងទូដែកអត់មាន១វៀល។ លោកបន្តថា៖ ការ Live របស់ Love Riya លើកឡើងថាបាត់លុយ ៣០មុឺនដុល្លារ ជាការបំភ្លើសការពិត ប៉ុន្តែបើបន្តធ្វើអ្វីមិនមានហេតុផល លោកនឹងចាត់ការបន្តតាមច្បាប់ ៕ដោយ៖សិលា
