សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ គ្រូបង្រៀនម្នាក់ និងបុរស២នាក់ទៀតរងរបួសធ្ងន់ស្រាលដោយសារគ្រោះថ្នាក់ចរាចរណ៍រវាងម៉ូតូនិងម៉ូតូបើកឆ្លងផ្លូវមិនគោរពសិទ្ធិអាទិភាព និងមានសាធាតុស្រវឹងបង្កការភ្ញាក់ផ្អើលទាំងយប់។
ហេតុការណ៍នេះបានកើតឡើងកាលពីវេលាម៉ោង៧និង១៥នាទីយប់ថ្ងៃទី២៤ ខែសីហាឆ្នាំ ២០២០ ស្ថិតលើផ្លូវជាតិលេខ ០១ Km ១២៣និង១២៤ ស្ថិតក្នុងភូមិរូបគោ សង្កាត់ព្រៃឆ្លាក់ ក្រុងស្វាយរៀង ។
បើតាមសមត្ថកិច្ចនគរបាលក្រុងស្វាយរៀងបានអោយដឹងថាអ្នកបើកម៉ូតូបង្កហេតុមានសាធាតុស្រវឹង១,៦០ mg/L មានឈ្មោះ ជា ម៉ែន អាយុ ២៨ ឆ្នាំ មុខរបរ កម្មករ រស់នៅភូមិ ព្រែកតាពៅ ឃុំចំបក់ ស្រុកស្វាយជ្រំ ខេត្តស្វាយរៀង ជិះម៉ូតូម៉ាកហុងដាសេ១២៥ ពណ៌ ខ្មៅ ពាក់ស្លាកលេខ ភ្នំពេញ ១HE ៥១៨៩ និងអ្នករួមដំណើរឈ្មោះ រ៉ៃ យ៉ា អាយុ ៣៣ ឆ្នាំ មុខរបរ កម្មករ រស់នៅភូមិ ដើមពរ ឃុំពង្រ ស្រុកសំរោង ខេត្តតាកែវ ។
ចំណែកបុរសជាគ្រូបង្រៀនរងរបួសស្រាលមានឈ្មោះឈ្មោះ ស៊ុម រ៉ាឌីណាល់ អាយុ ២៥ ឆ្នាំ មុខរបរ រស់នៅភូមិ ត្បែង ឃុំពោធិ៍រាជ ស្រុកស្វាយជ្រំ ខេត្តស្វាយរៀង ជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ ស្វាយរៀង ១J ១៦៥៥ ខូចខាតទាំងស្រុង។
បើតាមសាក្សីបានអោយដឹងថាមុនកើតហេតុមានបុរស២នាក់បានជិះម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ ១HE ៥១៨៩
លើផ្លូវជាតិលេខ ១ មិនគោរពសិទ្ធិអាទិភាព និងក្នុងស្ថានភាពស្រវឹងហើយក៏បានជិះឆ្លងផ្លូវស្រាប់តែមាន
ម៉ូតូម៉ាក ហុងដាសេ១២៥ ពណ៌ខ្មៅ ពាក់ស្លាកលេខ ស្វាយរៀង ១J ១៦៥៥ បើកបរដោយបុរសម្នាក់ទិសដៅពីកើតទៅលិច ចាប់ហ្វ្រាំងមិនទាន់ក៏បុកគ្នាពេញទំហឹងបង្កការភ្ញាក់ផ្អើលតែម្ដង។
ក្រោយកើតហេតុអ្នករបួសទាំង៣ត្រូវបានសមត្ថកិច្ចដឹកមកព្យាបាលនៅមន្ទីពេទ្យខេត្តស្វាយរៀង និងធ្វើការវាស់វែងអូសយកមធ្យោបាយធ្វើដំណើរម៉ូតូទាំង២គ្រឿងមករក្សាទុកនៅអធិការក្រុងស្វាយរៀង ដើម្បីដោះស្រាយពេលក្រោយតាមច្បាប់៕
ដោយ៖យឹម សុថាន
