សារព័ត៌មាន នគរវត្ត តែងតែនាំមុខគេជានិច្ច
តាមតួលេខពីកម្លាំងប៉ូលិសមីយ៉ាន់ម៉ាបានប្រកាសនៅថ្ងៃទី ២០ខែកញ្ញាថា សរុបមានមនុស្ស៤៤៤នាក់ ត្រូវបានចាប់ខ្លួន ដោយសារតែបំពានច្បាប់ម្រាមគោចរទប់ស្កាត់ការឆ្លងកូវីដ-១៩។
ការចាប់ខ្លួនធ្វើឡើងក្នុងរយៈពេលមួយសប្តាហ៍កន្លងមក ក្រោយច្បាប់បម្រាមគោចរ ទប់ស្កាត់កូវីដ-១៩ឆ្លងរាលដាលចូលជាធរមាន។ មនុស្ស ៤៤៤នាក់ដែលចាប់ខ្លួនទៅតាមច្បាប់អាចនឹងជាប់ទោស ហើយផាកពិន័យ។
ក្រៅពីនេះ កម្លាំងសន្តិសុខក៏បានចាប់ខ្លួនមនុស្ស២០៥នាក់ផ្សេងទៀតដែលមិនពាក់ម៉ាស់នៅទីសាធារណៈ បំពានច្បាប់ទប់ស្កាត់ការឆ្លងរាលដាលកូវីដ-១៩។
កន្លងមក គណៈកម្មការទប់ស្កាត់ការឆ្លងរាលដាលកូវីដ-១៩នៅក្នុងប្រទេសមីយ៉ាន់ម៉ា បានចេញច្បាប់ បម្រាមគោចរនៅពេលយប់ក្នុងតំបន់មួយចំនួន ដែលមានអ្នកឆ្លងច្រើន ក្នុងនោះមានតំបន់នៅទីក្រុងYangonផងដែរ ។
តាមតួលេខរបស់ក្រសួងសុខាភិបាលមីយ៉ាន់ម៉ាបានឲ្យដឹងថា គិតមកដល់ថ្ងៃទី២០ខែកញ្ញា មានករណីឆ្លងកូវីដ-១៩ កើនឡើងដល់ទៅ ៥.២៦៣នាក់ និងស្លាប់ ៨១នាក់៕ដោយ៖ធី រីណា
