សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើយោងតាមព្រះរាជក្រឹត្យ ដែលអង្គភាព«នគរដ្រេហ្គន»ទទួលបាននៅថ្ងៃទី១២ ខែតុលា ឆ្នាំ២០២០នេះ គឺ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទីកម្ពុជា បានចេញព្រះរាជក្រឹត្យមួយ តែងតាំង និងដំឡើងឋានន្តរស័ក្តិដល់នាយទាហានចំនួន ១៦រូប។
ក្នុងការតែងតាំង និងដំឡើងឋានន្តរស័ក្តិនេះ មានដូចជា ការតែងតាំងមុខតំណែង រដ្ឋលេខាធិការក្រសួងការពារជាតិចំនួន៦រូប តែងតាំងជាអនុរដ្ឋលេខាធិការក្រសួងការពារជាតិ២រូប ដំឡើងឋានន្តរស័ក្តិជានាយឧត្តមសេនីយ៍ ៦រូប និងដំឡើងឋានន្តរស័កជាឧត្តមសេនីយ៍ឯក២រូប។
ការតែងតាំង និងដំឡើងឋានន្តរស័ក្តិនេះ បានធ្វើឡើងបន្ទាប់ពីមានសេចក្តីក្រាបបង្គំទូលថ្វាយរបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងស្របតាមច្បាប់ស្តីពីលក្ខន្តិកៈទូទៅ ចំពោះយោធិន នៃកងយោធពលខេមរភូមិន្ទ។
ក្នុងនោះត្រាស់បង្គាប់ ដំឡើងឋានន្តរសក្កិ ដល់នាយទាហានថ្នាក់ឧត្តមសេនីយ៍ន នៃកងយោធលពលខេមរៈភូមិន្ទចំនួន ៦រូបថ្នាក់នាយឧត្តមសេនីយ៍ ដូចខាងក្រោម៖
១-ឧត្តមសេនីយ៍ឯក ហម គិន អត្តលេខ ០០០០៧០
២ -ឧត្តមសេនីយ៍ឯក មាស ថង អត្តលេខ ០០០០៩៤
៣ -ឧត្តមសេនីយ៍ឯក តេង ឈួន អត្តលេខ ០០០៣១៧
៤ -ឧត្តមសេនីយ៍ឯក ជា សារ៉ន អត្តលេខ ០០០០៩០
៥ -ឧត្តមសេនីយ៍ឯក ម៉ៅ សែន អត្តលេខ ០០០១១៧
៦ -ឧត្តមសេនីយ៍ឯក ម៉ាត់ ជាឡា អត្តលេខ ០០០៤៣៩។
ខាងក្រោមនេះ ជាព្រះរាជក្រឹត្យដែលចេញដោយប្រមុខរដ្ឋស្តីទី សម្តេច សាយ ឈុំ សូមអានខ្លឹមសារទាំងស្រុង ៕
ដោយ៖ សិលា
