សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដោយអនុវត្តតាមបទបញ្ជារបស់ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កងកម្លាំងប៉ុស្តិ៍នគរបាលសង្កាត់គងនយនៃអធិការដ្ឋាននគរបាលខណ្ឌដង្កោ បានចុះជួយប្រជាពលរដ្ឋដែលរងគ្រោះដោយទឹកជំនន់ស្ទឹងព្រែកត្នោតនៅថ្ងៃទី១៣ ខែតុលា ឆ្នាំ២០២០ ចាប់តាំងពីព្រឹកព្រលឹមរហូតដល់ម៉ោង១២ថ្ងៃត្រង់ ហេីយនៅតែបន្តជួយប្រជាពលរដ្ឋដែលកំពុងតែជួបបញ្ហារងគ្រោះដោយសារជំនន់ទឹកភ្លៀងនេះ។
លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានបញ្ជាក់ឱ្យដឹងនៅរសៀលថ្ងៃទី១៣ តុលា ឆ្នាំ២០២០នេះថា៖ ក្រុមមការងារបច្ចេកទេសក្រសួងធនធានទឹក បានប្រេីប្រាស់គ្រឿងចក្រធុនធ្ងន់ចំនួន ២៧គ្រឿង និងកម្លាំងពលកម្មប្រចាំការ២៤ម៉ោង និងជាពិសេសតាំងពីយប់ម្សិលមិញរហូតដល់វេលាថ្ងៃត្រង់នេះ ក្រុមការងាររបស់ក្រសួងបានខិតខំធ្វើអន្តរាគមន៍រហូតគ្រប់គ្រងសភាពការណ៍ស្ថានភាពទឹកជំនន់ដែលកំពុងយាយីបានទាំងស្រុងមកវិញ ដើម្បីជួយអន្តរាគមន៍ដល់ប្រជាពលរដ្ឋ ក្នុងនោះគឺលោករដ្ឋមន្ត្រី បានចុះបញ្ជាក្រុមការងារដោយផ្ទាល់៕
ដោយ៖ សុខ ខេមរា
