សារព័ត៌មាន នគរវត្ត តែងតែនាំមុខគេជានិច្ច
កម្លាំងទាហានចិនដែលឥណ្ឌាបានចាប់ខ្លួននៅតំបន់ Demchok ភាគខាងកើត Ladakh ក្រោយពេលដើរវង្វេងផ្លូវចូលទៅកាន់ព្រំដែនប្រទេសឥណ្ឌា។
បណ្តាញព័ត៌មានANI បានផ្សាយនៅថ្ងៃទី ២១ខែតុលាថា «កម្លាំងទាហានឥណ្ឌាបានដោះលែងទាហានចិនឈ្មោះ Wang Ya Long ដោយបញ្ជូនទៅឲ្យកម្លាំងទាហានចិន នៅតំបន់Chushul Moldo កាលពីយប់ថ្ងៃទី២០ខែតុលា ឆ្នាំ២០២០។
កម្លាំងទាហានឥណ្ឌាបានឲ្យដឹងថា ក្រោយពេលចាប់ទាហានចិន កម្លាំងទាហានឥណ្ឌាបានផ្តល់ការថែទាំយ៉ាងល្អបំផុត ដោយផ្តល់សម្លៀកបំពាក់ការពាររងាក្នុងពេលអាកាសធាតុត្រជាក់ខ្លាំង។ទាហានចិនឈ្មោះWang Ya Long មានសភាពទន់ខ្យោយ ដោយដើរវង្វេងផ្លូវក្នុងអាកាសធាតុត្រជាក់។ទាហានរូបនោះត្រូវជំនួយអុកសុីហ្សែន ដើម្បីជួយឲ្យឆាប់ជាសះស្បើយ។
ហេតុការណ៍ខាងលើកើតឡើងក្នុងពេលដែលឥណ្ឌានិងចិនបានត្រៀមលក្ខណៈរៀបចំកិច្ចពិភាក្សាយោធាជាន់ខ្ពស់ជាថ្មី ស្តីពីដំណើរការដកទាហានចេញពីតំបន់ភាគខាងកើតLadakh ក្នុងរដូវរងា នេះ។
នៅតាមបណ្តោយព្រំដែន LAC កម្លាំងទាហានចិន ប្រមាណ៥ម៉ឺននាក់បានបញ្ជូនទៅទីនោះ ចំណែកឥណ្ឌាក៏បានបញ្ជូនទាហានទៅ ប្រហាក់ប្រហែលគ្នាដែរ ក្រោយទាហានប្រទេសទាំងពីរប្រឈមមុខតានតឹងដាក់គ្នា នៅខែមិថុនាឆ្នាំ២០២០ ៕
ដោយ៖ធី រីណា
