ព័ត៌មានទាន់ហេតុការណ៍៖

ក្រុមហ៊ុន ជេ ឈីង សម្រស់ស៉ីជម្ពូ ខសមេធីក ឯ.ក មិនមានលេខបញ្ជីពីក្រសួងសុខាភិបាលត្រឹមត្រូវ ត្រូវគណៈកម្មាធិការប្រយុទ្ធប្រឆាំងផលិតផលក្លែងក្លាយ ចុះបង្រ្កាប

ចែករំលែក៖

ភ្នំពេញ៖ ទីតាំងក្រុមហ៊ុនយីហោ ជេ ឈីង សម្រស់ស៉ីជម្ពូ ខសមេធីក .” J Ching Samros sychmpu Commetic Co,Ltd មិនមានលេខបញ្ជីពីក្រសួងសុខាភិបាលត្រឹមត្រូវ ត្រូវបានកម្លាំងអធិការដ្ឋាននគរបាលខណ្ឌបឹងកេងកង សហការជាមួយកម្លាំងនគរបាលនាយកដ្ឋានប្រឆាំងផលិតផលកែ្លងក្លាយ នៃក្រសួងមហាផ្ទៃ ចុះប្រតិបត្តិការជាក់ស្តែង កាលពីថ្ងៃទី២១ខែតុលា ឆ្នាំ២០២០ នៅវេលាម៉ោង ៣រសៀល ស្ថិតនៅទីតាំងផ្ទះលេខG52 ផ្លូវGOLD ក្រុមទី០៤សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ

បើយោងតាមរបាយការណ៍របស់នគរបាលខណ្ឌបឹងកេងកង បានឲ្យដឹងថាកម្លាំងមូលដ្ឋានខណ្ឌ បានចូលរួមសហការជាមួយកម្លាំងនាយដ្ឋានប្រឆាំងផលិតផលក្លែងក្លាយ នៃក្រសួងមហាផ្ទៃ ដោយមានការសម្របសម្រួលពីលោក ចែ សុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញនិងឧត្តមសេនីយ៍ទោ តាន់ គុណតារា អនុប្រធានលេខាធិការដ្ឋាន នៃគណៈកម្មាធិការប្រយុទ្ធប្រឆាំងផលិតផលក្លែងក្លាយ (...) បានចុះមកដល់ទីតាំងក្រុមហ៊ុនយីហោជេ ឈីង សម្រស់ស៉ីជម្ពូ ខសមេធីក .ផ្ទះលេខG52 ផ្លូវGOLD ក្រុមទី០៤សង្កាត់ទំនប់ទឹក ខណ្ឌបឹងកេងកងរាជធានីភ្នំពេញ។

ក្នុងប្រតិបត្តិការនោះ កម្លាំងសមត្ថកិច្ចត្រួតពិនិត្យជាងក់ស្តែងរកឃើញផលិតផលមួយចំនួនមានដូចជា៖ -CC Cream Sun   ចំនួន៤០កេសស្មើនឹង៣៥០០ដប ,-DongBeak Facia Foam  ចំនួន20កេស ស្មើនឹង7000ដប ,-Body Lotion    ចំនួន៦០កេសស្មើនឹង២២០០ដប ,-U Weel Lotion   ចំនួន១២កេសស្មើនឹង១២០ដប ,-Miracle Special Night Cream ចំនួន៣០០ដប,សំបកខ្លង    ចំនួន៨៥ខ្លង

ចំណែកផលិតផលមានចុះបញ្ចីការណ៍ប្រវេទន៍៖

-Honey សារ៉ូមស្បែក២៥០ក្រាម   ចំនួន២០០ដប , -Lip Stick      ចំនួន២០០ដប , 3-Honey Collagen Serum    ចំនួន១០០ដប

បន្ទាប់ពីបញ្ចប់ការត្រួតពិនិត្យទីតាំងខាងលើ សមត្ថកិច្ចបានពិនិត្យឃើញថាផលិតផលមួយចំនួន មិនមានលេខបញ្ជីពីក្រសួងសុខាភិបាលត្រឹមត្រូវក្រោយពីបញ្ចប់ការត្រួតពិនិត្យ ដោយបានការឯកភាពពីលោកព្រះរាជអាជ្ញារង ចែ សុង កម្លាំងសមត្ថកិច្ចគណៈកម្មាធិការប្រយុទ្ធប្រឆាំងផលិតផលក្លែងក្លាយ (...) បានសម្រេចធ្វើការផ្អាកបន្ទប់ នៃទីតាំងស្តុកខាងលើបណ្តោះអាសន្ន និងបង្កាប់អោយម្ចាស់ទីតាំងចូលបំភ្លឺនៅលេខាធិការដ្ឋាន...ក។

បច្ចុប្បន្នវត្ថុតាងខាងលើ កម្លាំងសមត្ថកិច្ចគណៈកម្មាធិការប្រយុទ្ធប្រឆាំងផលិតផលក្លែងក្លាយ ចូលរួមវិចខ្ចប់រក្សាទុកនៅក្នុងបន្ទប់ខាងលើជាបណ្តោះអាសន្ន នឹងដកយកមួយចំនួនបញ្ចូនទៅនាយដ្ឋានប្រឆាំងផលិតផលក្លែងក្លាយ នៃក្រសួងមហាផៃ្ទ ដើម្បីគ្រប់គ្រង និងចាត់ការបន្តតាមនីតិវិធី ដោយ៖ស តារា


ចែករំលែក៖