សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម៖ ជនសង្ស័យជួញដូរគ្រឿងញៀនប្រុសស្រីបីនាក់ត្រូវបានសមត្ថកិច្ចនគរបាលខេត្តកំពង់ចាមធ្វើការឃាត់ខ្លួន។
ហេតុការណ៍នេះបានកើតឡើងនៅថ្ងៃទី ២៣ ខែតុលា ឆ្នាំ២០២០ វេលាម៉ោង១២៖៣០នាទី នៅចំណុចចម្ការស្វាយចន្ទី ស្ថិតក្នុងភូមិសូរជ័យ ឃុំចំការអណ្តូង ស្រុកចំការលើ ខេត្តកំពង់ចាម។
ការឃាត់ខ្លួនជនសង្ស័យ៣នាក់ខាងលើមាន៖
១-ឈ្មោះ ពឿន ចាន់ធូ ភេទប្រុស អាយុ៣៤ឆ្នាំ សញ្ជាតិខ្មែរ មុខរបរកម្មករ នៅភូមិចំការអណ្តូង ឃុំចំការអណ្តូង ស្រុកចំការលើ ខេត្តកំពង់ចាម។
២-ឈ្មោះ គឹម សុភាព ភេទប្រុស អាយុ៣៤ឆ្នាំ សញ្ជាតិខ្មែរ មុខរបរលក់ដូរ នៅភូមិចំការអណ្តូង ឃុំចំការអណ្តូង ស្រុកចំការលើ ខេត្តកំពង់ចាម។
៣-ឈ្មោះ សំ អឿនសាវរី ហៅ សំ សុជាតិ ភេទស្រី អាយុ៣០ឆ្នាំ សញ្ជាតិខ្មែរ មុខរបរលក់ដូរ នៅភូមិចំការអណ្តូង ឃុំចំការអណ្តូង ស្រុកចំការលើ ខេត្តកំពង់ចាម។
ក្រោយពីឃាត់ខ្លួនសមត្ថកិច្ចដកហូតវត្ថុតាងរួមមាន: ម្សៅក្រាមពណ៌សសង្ស័យជាថ្នាំញៀនចំនួន០៨កញ្ចប់(ធំ០១កញ្ចប់) ថ្នាំគ្រាប់ចំនួន៥៦គ្រាប់ប្រភេទwy(ហៅយ៉ាម៉ា)ពណ៌ផ្កាឈូក ទូរស័ព្ទចំនួន០៥គ្រឿង ជញ្ជីនអេឡិចត្រូនិចចំនួន០១គ្រឿង ថង់វិចខ្ចប់មួយចំនួន និងប្រាក់រៀលចំនួន០៣ដុំស្មើចំនួន៣០ម៉ឺនរៀល(ឆែកឆេរកឃើញក្នុងផ្ទះ)និងប្រាក់រៀលនៅនិងខ្លួនឈ្មោះសំ អឿនសាវរី ចំនួន២៧០ម៉ឺនទូរស័ព្ទសំរាប់ថតកន្ទុយលេខបង្ហោះអោយមេចំនួន០១គ្រឿងក្រដាសកត់កន្ទុយលេខចំនួន០១សន្លឹក។
បច្ចុប្បន្នជនសង្ស័យរួមនិងវត្ថុតាងជំនាញយើងបាននាំមកការិយាល័យប្រឆាំងគ្រឿងញៀនដើម្បីចងក្រងសំណុំរឿងតាមនីតិវិធីច្បាប់៕ដោយ៖ស សម
