សារព័ត៌មាន នគរវត្ត តែងតែនាំមុខគេជានិច្ច
បេក្ខភាពប្រធានាធិបតីអាមេរិក លោកបៃឌិន បានទៅបោះឆ្នោតមុនពេលកំណត់នៅទីតាំងបោះឆ្នោត Delaware State ក្នុងទីក្រុងWilmington រដ្ឋWilmington ដែលជាកន្លែងលោករស់នៅ។
លោកបៃឌិន បេក្ខភាពប្រធានាធិបតីមកពីគណបក្សប្រជាធិបតេយ្យ និង ភរិយាលោកស្រី Jill Biden បាន បានសម្រេចទៅបោះឆ្នោតមុនពេលកំណត់ក្នុងតំបន់ដែលលោករស់នៅ។ ក្នុងពេលចូលរួមបោះឆ្នោត លោកបៃឌិនបង្ហាញក្តីសង្ឃឹមថា លោកនិងបេក្ខភាព ប្រធានាធិបតីទាំងអស់មកពីគណបក្សប្រជាធិបតេយ្យនឹង ជាប់ឆ្នោតដើម្បីនាំមកនូវការផ្លាស់ប្តូរជាទ្រង់ទ្រាយធំ ។
គិតមកដល់ពេលនេះមានពលរដ្ឋអាមេរិកដល់ទៅជាង ៧៤លាននាក់ហើយបាននាំគ្នាទៅបោះឆ្នោតមុនពេលកំណត់ក្នុងការជ្រើសរើសប្រធានាធិបតីនាឆ្នាំ២០២០ ដែលជាចំនួនច្រើនបំផុតមិនធ្លាប់មានក្នុងប្រវត្តិសាស្ត្រ។
នៅក្នុងព្រឹត្តិការណ៍មួយផ្សេងទៀត ពាក់ព័ន្ធនឹងការបោះឆ្នោតនោះដែរ គឺជាការចំណាយប្រាក់ច្រើនបំផុតក្នុងប្រវត្តិសាស្ត្រនៃការបោះឆ្នោតអាមេរិក ដោយបេក្ខភាពទាំងពីរបានចំណាយប្រាក់ដល់ទៅ ១៤ពាន់លានដុល្លារខ្ពស់ជាងការបោះឆ្នោតកាលពីឆ្នាំ២០១៦ ដល់ទៅទ្វេដង៕ដោយ៖ធី រីណា
