សារព័ត៌មាន នគរវត្ត តែងតែនាំមុខគេជានិច្ច
ក្រុមចារកិច្ច ការពារជាសម្ងាត់របស់អាមេរិក បានបើកកិច្ចប្រជុំបន្ទាន់ដោយសម្រេចបន្ថែមកម្លាំងការពារ «ប្រធានាធិបតីថ្មី»របស់អាមេរិក គឺលោកចូបៃឌិន ក្រោយពេល លោកបានយកឈ្នះនៅក្នុងរដ្ឋសំខាន់គឺ Georgia។ ជ័យជម្នះខាងលើ នឹងជួយឲ្យលោកបៃឌិនកាន់តែច្បាស់ថា តំណែងប្រធានាធិបតី ប្រាកដជាបានមកលើរូបលោក។
នៅល្ងាចថ្ងៃទី ៦ខែវិច្ឆិកា(ពេលវេលានៅកម្ពុជា) លទ្ធផលបោះឆ្នោត នៅក្នុងរដ្ឋ Georgia ជ័យជម្នះបានមកលើកលោកបៃឌិន វិញ ក្រោយពេលលោកត្រាំនាំមុខ អស់ប៉ុន្មានថ្ងៃកន្លងមក។ តាមសារព័ត៌ Fox News នៅវេលាម៉ោង ១៤និង ៤០នាទី ចំនួនសំឡេងគាំទ្រលោកបៃឌិន ស្រាប់តែលោតឡើងច្រើនជាងលោកត្រាំ វិញ គឺលោកបៃឌិន ទទួលបាន ២.៤៤៩.៣៧១ សំឡេង ចំណែកលោកត្រាំទទួលបាន ២.៤៤៨.៤៥៤សំឡេង។ រដ្ឋGeorgiaមានចំនួនកៅអីតំណាងដល់ទៅ១៦ ។
បើទោះបីលោកបៃឌិនននាំមុខក្តី ប៉ុន្តែមិនទាន់ ប្រកាសជាផ្លូវការនៅឡើយទេ។ នៅពេលនេះ លោកបៃឌិនរក្សា ២៦៤ ដដែល ចំណែកលោកត្រាំ វិញ ក៏នៅតែ២១៤កៅអីតំណាង ។
ការបោះឆ្នោតប្រធានាធិបតីអាមេរិក នៅតាមបណ្តារដ្ឋ គឺកំណត់យកកៅអីតំណាង ចំនួន ៥៣៨ កៅអី ហើយបើបេក្ខភាពរូបណាទទួលបានចំនួនកៅអីតំណាងទាបបំផុត២៧០ នឹងក្លាយជាប្រធានាធិបតីអាមេរិក ។ ដូច្នេះបើលោកបៃឌិន ឈ្នះក្នុងរដ្ឋ Georgia គឺគ្មានអ្វីត្រូវ និយាយទៀតឡើយ តំណែងប្រធានាធិបតី អាមេរិក ប្រាកដជាបានមកលោកបៃឌិន៕ដោយ៖ធី រីណា
