សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបើករថយន្តមួយគ្រឿងសង្ស័យងងុយដេករេចង្កូតទៅបុករះរទេះលក់បាយឆា មីឆា គុយទាវនិងបុកម៉ូតូមួយគ្រឿងទៀតអូសជាប់ក្រោមរថយន្តបែកផ្កាភ្លើងជាច្រើនម៉ែត្រ តែសំណាងល្អមិនមានអ្នករបួសឬស្លាប់។
ហេតុការណ៍នេះបង្កការភ្ញាក់ផ្អេីលកាលពីវេលាម៉ោង១១និង២០នាទីយប់ថ្ងៃទី៧ ខែវិច្ឆិកា ឆ្នាំ២០២០ ស្ថិតនៅតាមបណ្ដោយផ្លូវជាតិលេខ១ ត្រង់ចំណុចខាងក្រោយអធិការដ្ឋានខណ្ឌច្បារអំពៅ ក្នុងសង្កាត់ច្បារអំពៅ១ ខណ្ឌច្បារអំពៅ ។
យោងតាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់សង្ស័យងងុយដេកបើករថយន្តហ៊ីយ៉ាន់ដាយH .Iពណ៌សពាក់ស្លាកលេខភ្នំពេញ2AE-5866ក្នុងទិសដៅពីលិចទៅកើតចុះពីលើស្ពានច្បារអំពៅថ្មីបោះពួយយ៉ាងលឿន ខណៈមកដល់ចំណុចកើតហេតុខាងលើបានរេចង្កូតមកខាងឆ្វេងជ្រុលបុករះរទេះលក់មីឆាដែលចតលើចិញ្ចើមផ្លូវអូសម៉ូតូស្មាស់រ៉េវ៉ូ ពណ៌ខ្មៅ ពាក់ស្លាកលេខភ្នំពេញ1FF -9861 ហើយមិនបានឈប់ទទួលខុសត្រូវនោះទេ គឺបានព្យាយាមបើករត់គេចខ្លួនទាំងជាប់ម៉ូតូនៅក្រោមឡានអូសជាច្រេីនរយម៉ែត្រ ធ្វេីឲ្យប្រជាពលរដ្ឋនិងសមត្ថកិច្ចដេញតាមឃាត់បានរថយន្តនិងតៃកុង រួចនាំខ្លួនមកអធិការដ្ឋានខណ្ឌច្បារអំពៅរង់ចាំធ្វើការដោះស្រាយនៅពេលក្រោយ ៕
ដោយ៖ ភារ៉ា ដង្កោ
