សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់សង្ស័យស្រវឹងស្រាខ្លាំងពេក បានបើករថយន្តស៊េរីទំនើបក្នុងល្បឿនយ៉ាងលឿនហេីយជ្រុលទៅបុករបាំងថ្មពុះចែកទ្រូងផ្លូវព្រះមុនីវង្សបាក់អស់៣កង់ ឯរថយន្តផុងមួយកំណាត់មុខ ជាប់របាំងថ្មទៅមុខលែងរួច។
ហេតុការណ៍គ្រោះថ្នាក់ចរាចរណ៍ខាងលេីនេះបានកើតឡេីងនៅវេលាម៉ោង១២និង២០នាទីរំលងអធ្រាត្រឈានចូលថ្ងៃទី៨ ខែវិច្ឆិកា ឆ្នាំ២០២០ ស្ថិតនៅតាមបណ្ដោយផ្លូវព្រះមុនីវង្ស កែងនឹងផ្លូវលេខ១៨២ ក្នុងសង្កាត់បឹងរាំង ខណ្ឌដូនពេញ ។
បេីតាមសាក្សីនៅកន្លែងកេីតហេតុបានឲ្យដឹងថា មុនពេលកើតហេតុគេឃើញបុរសម្នាក់សង្ស័យស្រវឹងស្រាបានបើករថយន្តមួយគ្រឿងម៉ាកRANG E ROVERពណ៌ខ្មៅ ពាក់ស្លាកលេខភ្នំពេញ 2S -5549 ធ្វើដំណើរតាមបណ្ដោយផ្លូវព្រះមុនីវង្សពីត្បូងទៅជេីងក្នុងល្បឿនយ៉ាងលឿន ខណៈមកដល់ចំណុចកើតហេតុខាងលើបានជ្រុលចង្កូតទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យបាក់អស់៣កង់ រីឯរថយន្តបង្កបានខូចផ្នែកខាងមុខស្ទើរតែទាំងស្រុង។
ក្រោយកើតហេតុ សមត្ថកិច្ចមូលដ្ឋានបានសហការជាមួយមន្ត្រីជំនាញចរាចរណ៍ ធ្វេីការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញរង់ចាំដោះស្រាយតាមច្បាប់ ៕
ដោយ៖ ភារ៉ា ដង្កោ
