សារព័ត៌មាន នគរវត្ត តែងតែនាំមុខគេជានិច្ច
ធ្លាប់តែជាបុគ្គលត្រូវមហាជន ពិសេសក្រុមអ្នកសារព័ត៌មាន ចោមរោមថតរូបភាពពីសកម្មភាពនោះ ពេលនេះលោកត្រាំបានទៅកាន់ទីតាំងវាយកូនហ្គោលនៅរដ្ឋ Virginia ។ ចំណែកព័ត៌មានធំៗ របស់អាមេរិក និងនៅជុំវិញពិភពលោកបានចាប់អារម្មណ៍តែទៅលើលោកបៃឌិនដែលទើបតែជាប់ឆ្នោតប្រធានាធិបតីអាមេរិកប៉ុណ្ណោះ។
នៅព្រឹកថ្ងៃទី ៧ខែវិច្ឆិកាប្រធានាធិបតីដូណាល់ ត្រាំ បានឡើងរថយន្តធ្វើដំណើរទៅកាន់ ទីលានវាយកូនហ្គោលSterling, រដ្ឋ Virginia។ តាមសារព័ត៌មាន The Guardianឱ្យដឹងថា លោកត្រាំពាក់មួក MAGA ពណ៌ស ស្លៀកខោខ្មៅ ពាក់អាវយឺត ដើម្បី
វាយកូនហ្គោល។ ពាក្យថា MAGA មានន័យថា(Make America Great Again )។
ការទៅលេងវាយកូនហ្គោលរហូតដល់ល្ងាចថ្ងៃទី៧ខែវិច្ឆិកា លោកត្រាំទើបតែវិលត្រឡប់មកសេតវិមានវិញ ។ ប៉ុន្តែនៅសេតវិមានគឺស្ងប់ស្ងាត់ ចំណែកនៅតាមផ្លូវនានាបានអបអរសាទរនូវជ័យជម្នះរបស់លោកបៃឌិន។
សារព័ត៌មាន CNN បានដកស្រង់សម្តីទីប្រឹក្សា៣រូបរបស់ប្រធានាធិបតីដូណាល់ ត្រាំ ដែលបានបញ្ជាក់ថា ការដោះស្រាយទប់ស្កាត់កូវីដ-១៩ មិនបានល្អគឺ ជាហេតុដែលនាំឲ្យលោកត្រាំបរាជ័យក្នុងការបោះឆ្នោត ។ ពលរដ្ឋដែលមានវ័យចំណាស់ប្រឈមហានិភ័យខ្ពស់លែងគាំទ្រលោកត្រាំ ទើបលោកត្រាំបរាជ័យ៕
ដោយ៖ធី រីណា
