សារព័ត៌មាន នគរវត្ត តែងតែនាំមុខគេជានិច្ច
អតីតកីឡាករក្រុម Barcelona, Liverpool និងជម្រើសជាតិអាហ្សង់ទីន លោក Javier Mascherano បានប្រកាសចូលនិវត្តន៍ហើយ។ លោក Mascherano អាយុ៣៦ឆ្នាំបានបង្ហាញពីការសម្រេចចិត្តរបស់គាត់បន្ទាប់ពីអាជីពនេះអស់រយៈពេល១៧ឆ្នាំ។
កីឡាករអន្តរជាតិអាហ្សង់ទីនដែលដែលបានបង្ហាញខ្លួន១៤៧ដង ច្រើនបំផុតនៅក្នុងប្រវត្តិសាស្រ្តរបស់ប្រទេសនេះគឺ Mascherano បានវិលត្រឡប់មកស្រុកកំណើតរបស់គាត់វិញដោយចុះហត្ថលេខាជាមួយក្លិបEstudiantes de La Plata កាលពីខែមករា។
បន្ទាប់ពីការបង្ហាញខ្លួនចំនួន១១លើកនៅក្នុងការប្រកួតទាំងអស់សម្រាប់ក្រុមនៅអាហ្សង់ទីនរួមទាំងការចាញ់ក្រុមអាហ្សង់ទីន Juniors ១-០ កាលពីថ្ងៃអាទិត្យលោក Mascherano បាននិយាយថា វាដល់ពេលដែលត្រូវព្យួរស្បែកជើងករបស់គាត់។ លោកអរគុណដល់ក្លិបនេះដែលបានផ្តល់ឱកាសឱ្យលោកបញ្ចប់អាជីពនៅប្រទេសអាហ្សង់ទីន។
លោក Mascherano បាននិយាយថា “ខ្ញុំបានប្រកបវិជ្ជាជីវៈរបស់ខ្ញុំ១០០ភាគរយ ខ្ញុំបានផ្តល់ខ្លួនឯង តាមលទ្ធភាព។ ថ្ងៃនេះខ្ញុំដឹងថាសម្រាប់ពេលខ្លះវាពិបាកសម្រាប់ខ្ញុំ ហើយខ្ញុំមិនចង់លាក្រុម Estudiantesដែលជឿទុកចិត្តខ្ញុំឱ្យវិលត្រឡប់មកអាហ្សង់ទីន ឬមិត្តរួមការងាររបស់ខ្ញុំឬអាជីពនេះទេ”។
បន្ទាប់ពីចាប់ផ្តើមអាជីពជាមួយក្រុម River Plate លោក Mascheranoបានលេងឱ្យក្លិប Corinthians និង West Ham មុនពេលចូលរួមជាមួយក្រុម Liverpool ក្នុងឆ្នាំ២០០៧ ។
ខ្សែបម្រើការពារកណ្តាល Mascherano រីករាយនឹងជោគជ័យភាគច្រើនរបស់គាត់នៅ Camp Nou ដោយជួយឲ្យក្រុមឈ្នះពានរង្វាន់ LaLiga៥ដង និង Champions League ២ដងក្នុងចំណោមពានរង្វាន់ជាច្រើនបន្ទាប់ពីចូលរួមជាមួយ Barcelona កាលពីឆ្នាំ២០១០ ។
លោក Mascherano បានជួយឲ្យអាហ្សង់ទីនឈានដល់វគ្គផ្តាច់ព្រ័ត្រ World Cup ឆ្នាំ២០១៤ ដែលពួកគេបានចាញ់ក្រុមជម្រើសជាតិអាឡឺម៉ង់ក្នុងម៉ោងបន្ថែម ខណៈដែលបានបញ្ចប់ជាមួយនឹងការឈ្នះមេដាយជើងឯក Copa America ចំនួន៤ និងមេដាយមាសអូឡាំពិកចំនួន២ ៕ដោយ៖ភារៈ
