សារព័ត៌មាន នគរវត្ត តែងតែនាំមុខគេជានិច្ច
អន្តរជាតិ៖ ក្នុងពេលដែលសេដ្ឋកិច្ចទទួលរងផលប៉ះពាល់ខ្លាំង ដោយសារតែកូវីដ-១៩ កូរ៉េខាងជើង បានសម្រេចមិនទទួលជំនួយពីបរទេសនោះឡើយ ។
សារព័ត៌មាន Rodong Sinmun នៅថ្ងៃទី១៩ ខែវិច្ឆិកា បានផ្សាយថា កូរ៉េខាងជើងនៅតែបន្តបិទព្រំដែន ហើយមិនទទួលជំនួយពីបរទេសនោះឡើយ ដោយខ្លាចជំនួយទាំងនោះ ជាប្រភពនៃការចម្លងវីរុសកូវីដ-១៩។ ការរឹតបន្តឹងទប់ស្កាត់កូវីដ-១៩គឺជារឿងអាទិភាពចម្បង របស់រដ្ឋាភិបាលកូរ៉េខាងជើង។
មកទល់ពេលនេះ នៅលើពិភពលោក មានករណីឆ្លងកូវីដ-១៩ កើនឡើងដល់ទៅ៥៦លាននាក់ ហើយកូរ៉េខាងជើងស្ថិតនៅក្នុងចំណោមប្រទេសតិចតួចបំផុតដែលមិនមានអ្នកឆ្លងកូវីដ-១៩។
តាមគេហទំព័រ Worldometer នៅលើពិភពលោក មានប្រទេសឆ្លងកូវីដ-១៩ មានដល់ទៅ២២០ប្រទេសនិងដែនដី ក្នុងនោះមានប្រទេសតិចតួចណាស់មិនមានអ្នកឆ្លងកូវីដ-១៩ ហើយកូរ៉េខាងជើងគឺជាប្រទេសមិនមានករណីឆ្លងម្នាក់ណាឡើយ៕
ដោយ៖ធី រីណា
