សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល បានថ្លែងអរគុណច្រេីន ចំពោះការលើកឡើងជាសំណួរ ចំងល់ផ្សេងៗ ក្នុងនោះលោកស្រីបានបញ្ជាក់ថា៖ ក្រសួងធ្វេីការតាមដាននិងឆ្លេីយតបរៀងរាល់ថ្ងៃ តែសំខាន់នោះ សូមបងប្អូនកុំជឿ កុំទិញប្រេី និងចូលរួមទប់ស្កាត់ទាំងអស់គ្នា។ ក្រសួងបានធ្វេីការងារនេះច្រេីន តែអ្នកផ្សាយអត់ច្បាប់ចេញមកច្រេីនតាមអនឡាញ ដែលជួនកាលរកប្រភពអត់ឃេីញទេ ចេញពីក្រៅប្រទេសមកក៏មានដែរ។ លោកស្រីចាត់ទុកថា៖ ទោះជាយ៉ាងណា យេីងខិតខំទាំងអស់គ្នា ហេីយសុំកុំជឿតាមការផ្សាយបែបនេះ។ អរគុណច្រេីន។ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល បានថ្លែងបែបនេះខណៈមានការលើកឡើងថា៖ «សូមក្រសួងសុខាភិបាល មេត្តាតាមដាន ទៅលើក្រុមលក់ផលិតផលបំប៉នសុខភាពតាមអនឡាញ»។ ក្នុងនោះបានសរសេរជាចំងល់ថា៖
១-ពួកគេឡាយ និយាយហួសការពិតនៃគុណភាពរបស់ពួកគេដែលអាចព្យាបាលរោគច្រើនមុខ ដូចជាឬសដូង រោគស្រ្តី ក្រពះ ពោះវៀន ….ជាដើម។
២-នៅពេលឡាយ ពួកគេខ្លះក៏បានបង្កើតក្រុមការងារអោយខំមិន ថាហូបអាហារបំប៉នគេទៅ រឺ សារ៉ាយ គេទៅបានជា និង ធូរសះស្បើយជាដើម ។
៣-ការឡាយភូតកុហក់ នឹងលើសពីការពិត យ៉ាងនេះធ្វើអោយប្រជាជនមួយចំនួនលង់ចាញ់បោក ទិញផលិតផលពួកគេ ដើម្បីយកទៅផឹកសាកល្បង (ខ្លះអស់១០០ -២០០ដុល្លារ ) ។
៤-ពួកគេឡាយហ្វេសប៊ុក ជារៀងរាល់ថ្ងៃ និងបានបូតលុយ អស់ច្រើនរយដុល្លារ ដើម្បីទាក់ទាញអ្នកដែលមិនទាន់ទិញ អោយសាកទិញ ផលិតផលរបស់ពួកគេ ។
ដូច្នេះដើម្បីកុំអោយប្រជាជនចាញ់បោក ក្រុមអ្នកលក់ផលិតផលអាហារបំប៉ន រឺ សារ៉ាយសមុទ្រ ថាបានព្យាបាលរោគ ជាច្រើនប្រភេទ បានទៀតនោះ គឺសូមខាងក្រសួងសុខាភិបាលមេត្តាពិនិត្យ អោយបានច្បាស់លាស់ នឹងកំណត់នៃគុណភាពរបស់ផលិតផលទាំងនោះផង ។ ព្រោះថា នៅពេលឡាយ ម្តងៗ ពួកគេ តែងតែលើកយក ពីច្បាប់របស់ពួកគេ ដែលបានទទួលស្គាល់ពីក្រសួងសុខាភិបាល។
ការយកតែមក្រសួងសុខាភិបាល មកអំណះអំណាងបែបនេះ ធ្វើអោយប្រជាជនយល់ថា សារ៉ាយ រឺ អាហារបំប៉នពួកគេ ជាឱសថ អាចព្យាបាល ទៅលើមនុស្សគ្រប់វ័យ ( ក្មេងផឹកអោយសាច់ស្អាត ចាស់ផឹកអោយអាយុយឺនយូរ នឹងជារោគផ្សេងៗទៀត…ដែលក្រសួងសុខាភិបាល បានអនុញ្ញាតិ អោយពួកគេប្រកបអាជីវកម្ម ៕
ដោយ៖ សិលា
