សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃអង្គារ ១រោច ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១ ខែធ្នូ ឆ្នាំ២០២០ លោក ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម ដោយមានការចូលរួមពីលោក ម៉ៅ ហាក់ នាយកកម្មវិធី WAT4CAM ជំហានទី១ និងលោកស្រី NOEL Naomi ប្រធានគ្រប់គ្រងគម្រោងថ្នាក់តំបន់នៃទីភ្នាក់ងារបារាំងសម្រាប់ការអភិវឌ្ឍ (AFD) ប្រចាំនៅប្រទេសកម្ពុជា បានដឹកនាំកិច្ចប្រជុំបូកសរុបលទ្ធផលសម្រាប់បេសកកម្មត្រួតពិនិត្យការអនុវត្តកម្មវិធី (WRAP-UP MEETING FOR SEMI-VIRTUAL SUPERVISION MISSION) នៃកម្មវិធី WAT4CAM ជំហានទី១ តាមរយៈ Video Conference ដែលមានសមាសភាពជាចូលរួមដូចជា ៖
តំណាងទីភ្នាក់ងារបារាំងសម្រាប់ការអភិវឌ្ឍ (AFD) តំណាងសហគមន៍អឺរ៉ុបនៅកម្ពុជា (EU) តំណាងក្រុមការងារទីប្រឹក្សាបច្ចេកទេសអន្តជាតិ Egis-SCP-KCC (TA-INFRA), SCP-GRET-MEIHO (TA-ISWM) NIRAS-ATSA-CIRD (TA-AGRI) FUTUREWATER-MMA-JBA(TA-MEKONG-BASSAC) ក្រុមការងារ PMU-WAT4CAM និងមន្ទីរធនធានទឹក និងឧតុនិយមខេត្តបាត់ដំបង ខេត្តសៀមរាប ខេត្តកំពង់ធំ ខេត្តព្រះវិហារ និងខេត្តកណ្តាល ។
លទ្ធផលនៃកិច្ចប្រជុំមានចំនុចសំខាន់ៗដូចខាងក្រោម ៖
១-វឌ្ឍនភាពការងាររបស់ទីប្រឹក្សាបច្ចេកទេសអន្តជាតិខាងលើ ស្តីពីការសិក្សាគម្រោងស្តារព្រែក និងប្រព័ន្ធធារាសាស្រ្ត
២-កម្មវីធី WAT4CAM នឹងរៀបចំគោលការណ៍ណែនាំ / សេចក្តីប្រកាសនានា ដែលទាក់ទងទៅនឹងការរៀបចំសហគមន៍កសិករប្រើប្រាស់ទឹក និងពង្រឹងសមត្ថភាព
៣-រៀបចំម៉ូដែល Model/Spatial data collection និងប្រមូលទិន្នន័យ ដើម្បីសិក្សារបបជលសាស្រ្ត និងលំហូរដីល្បាប់នៃទន្លេមេគង្គលើ ទន្លេមេគង្គ និងទន្លេបាសាក់
៤-គណៈកម្មាធិការដឹកនាំនៃ WAT4CAM គ្រោងនឹងរៀបចំកិច្ចប្រជុំនៅខែមករា ឆ្នាំ២០២១
៥-ក្រសួងធនធានទឹក និងឧតុនិយម នឹងរៀបចំសំណើស្នើសុំថវិកាបន្ថែមសម្រាប់ការជួសជុលឡើងវិញនូវហេដ្ឋារចនា សម្ព័ន្តធារាសាស្រ្តដែលខូចខាតដោយសារទឹកជំនន់ ដែលក្នុងនោះ AFD បានឯកភាពជាគោលការណ៍ពិចារណាក្នុងការផ្តល់ថវិកាបន្ថែមលើកម្មវិធី WAT4CAM ដែលមានស្រាប់ ៕
ដោយ៖ស តារា
