សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តសណ្តោងទូកុងតឺន័រមួយគ្រឿងរេចង្កូតឡេីងខឿនសួនច្បារពុះចែកទ្រូងផ្លូវហោះទៅចំណែកផ្លូវម្ខាងទៀតរងការខូចខាតសំណាងមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង៧និង២០នាទីយប់ថ្ងៃទី០៩ ខែធ្នូ ឆ្នាំ២០២០ នៅលេីកំណាត់ផ្លូវជាតិលេខ៣ សង្កាត់ភ្លេីងឆេះរទះ ខណ្ឌកំបូល។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តសណ្តោងទូកុងតឺន័រ ក្បាលពណ៌សលឿង ពាក់សពាក់ស្លាកលេខភ្នំពេញ3C. 3698 ធ្វេីដំណេីរតាមបណ្តោយជាតិលេខ៣ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែរេចង្កូតទៅខាងឆ្វេងដៃឡេីងខឿនសួនច្បារពុះចែកទ្រូងផ្លូវហោះទៅចំណែកផ្លូវម្ខាងសំណាងមិនមានម៉ូតូឬរថយន្តធ្វេីដំណេីរមកបញ្ច្រាស ។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុទាក់ទងទៅជំនាញមកធ្វេីការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ជេីងគោកនៃស្នងការរាជធានីភ្នំពេញរង់ចាំដោះស្រាយតាមច្បាប់៕ដោយ៖សុខាសែនជ័យ
