សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ យោងតាមរបាយការណ៍របស់សមត្ថកិច្ចក្រុងកោះរ៉ុងបានឲ្យដឹងជាបឋមថា នៅវេលាម៉ោង៣:១០នាទីយប់ទៀបភ្លឺ ថ្ងៃទី១៦ ខែធ្នូ ឆ្នាំ២០២០នេះ មានអគ្គិភ័យឆាបឆេះឃ្លាំងដាក់សម្ភារនៅសុខសាន្ត រីសត ស្ថិតក្នុងភូមិសុខសាន្ត សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ។ ភ្លាមៗ សមត្ថកិច្ចនៅមិនទាន់ស្រង់បានព័ត៌មានពីដើមហេតុនាំឲ្យមានការឆាបឆេះនេះ និងទំហំនៃការខូចខាតនៅឡើយទេ ប៉ុន្តែបើយោងតាមរបាយការណ៍បឋមពីលោកនួន ប៊ុនថុល អភិបាលក្រុងកោះរ៉ុងឲ្យដឹងថា ឃ្លាំងដាក់សម្ភារនេះមានទំហំ១៥ម៉ែត្រគុណនឹង៣០ម៉ែត្រ ហើយសម្ភារក្នុងឃ្លាំងដែលរងការខូចខាតមានដូចជារថយន្ត ម៉ាសុីនអូប័រនិងសម្ភារចម្រុះច្រើនមុខទៀត ហើយករណីនេះសមត្ថកិច្ចកំពុងធ្វើការស្រាវជ្រាវបន្ត៕ឆ្លាម សមុទ្រ
