សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ម៉ូតូZOOMER-X មួយគ្រឿងបានបុកជាមួយម៉ូតូហុងដាឌ្រីមមួយគ្រឿងទៀតដែលកំពុងបើកឆ្លងផ្លូវយ៉ាងពេញទំហឹងបណ្ដាលឲ្យមនុស្ស៣នាក់រងរបួសធ្ងន់និងស្រាល បង្កការភ្ញាក់ផ្អេីល
កាលពីវេលាម៉ោង១១និង៣០នាទីព្រឹក ថ្ងៃទី២៤ ខែធ្នូ ឆ្នាំ ២០២០ ស្ថិតនៅតាមបណ្ដោយផ្លូវលេខ២១៧ (ផ្លូវចំការដូង) ភូមិបុរីកម្មករ សង្កាត់ជើងឯក ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជនម្នាក់ជិះម៉ូតូមួយគ្រឿងម៉ាក zoomer-x ពណ៌ខៀវលាយខ្មៅ ពាក់ស្លាកលេខភ្នំពេញ 1DH-7588 តែម្នាក់ឯងតាមបណ្ដោយផ្លូវលេខ២១៧ ក្នុងទិសដៅពីត្បូងទៅជើង ខណៈមកដល់ចំណុចកើតហេតុខាងមុខវិទ្យាល័យទួលអំពិលបានបុកជាមួយម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០០៧ ពណ៌ខ្មៅ ពាក់ស្លាកលេខ តាកែវ 1A-6407 ជិះឌុបគ្នាធ្វើដំណើរបញ្ច្រសទិស រួចឆ្លងផ្លូវធ្វេីឱ្យយុវជនជិះម៉ូតូម៉ាក zoomer-x ចាប់ហ្រ្វ័ងមិនទាន់ជ្រុលទៅបុកពេញទំហឹងបណ្ដាលឲ្យរងរបួសទាំងសងខាងធ្ងន់និងស្រាល៣នាក់ត្រូវបានរថយន្តសាមុយរបស់មន្ទីរពេទ្យឯកជនម្លិះដង្កោដឹកយកទៅសង្គ្រោះភ្លាមៗ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកេីតហេតុសហការជាមួយសមត្ថកិច្ចជំនាញចរាចរណ៍ខណ្ឌដង្កោ ធ្វើការវាស់វែងយកម៉ូតូទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌដង្កោរង់ចាំធ្វើការដោះស្រាយគ្នានៅពេលក្រោយ៕
ដោយ៖ភារ៉ាដង្ដោ
