សារព័ត៌មាន នគរវត្ត តែងតែនាំមុខគេជានិច្ច
ពិធីស្បថចូលកាន់តំណែងប្រធានាធិបតីអាមេរិក របស់លោក ចូបៃឌិន និងធ្វើឡើងនៅថ្ងៃទី២០ខែមករាឆ្នាំ២០២១។ នៅពេលនេះក្រសួងការពារជាតិអាមេរិកបារម្ភយ៉ាងខ្លាំងដោយសារតែ ខ្លាចប្រធានាធិបតីជិតបញ្ចប់មកទល់ពេលនេះ លោកត្រាំនៅមិនទាន់ព្រមទទួលស្គាល់ពីការបរាជ័យរបស់ខ្លួននៅឡើយទេ។
មិនតែប៉ុណ្ណោះ ក្រុមអ្នកគាំទ្រលោកត្រាំក៏បានប្រកាសថានឹងរៀបចំពិធីស្បថចូលកាន់តំណែងឲ្យលោកត្រាំ នៅថ្ងៃទី២០ខែមករាដូចគ្នា ។
ចំណុចទាំងនោះហើយបានជាក្រសួងការពារជាតិអាមេរិក បានពិភាក្សា ពីយុទ្ធសាស្ត្រ ទប់ស្កាត់លោកត្រាំ ប្រកាសច្បាប់អាជ្ញាសឹកក្នុងថ្ងៃលោកបៃឌិនចូលកាន់តំណែង។ អ្នកគាំទ្រលោកត្រាំ ស្នើឲ្យលោកប្រើច្បាបស់អាជ្ញាសឹក បញ្ចេញកម្លាំងទាហាន ដើម្បីបន្តដឹកនាំប្រទេស។
មន្ទីរបញ្ចកោណអាមេរិក បង្ហាញក្តីបារម្ភយ៉ាងខ្លាំង ខ្លាច លោកត្រាំ គៀងគរក្រុមអ្នកគាំទ្រ ដើម្បីរំខានដល់ការចូលកាន់តំណែង របស់ប្រធានាធិបតីថ្មីលោកបៃឌិន។
ប្រធានាធិបតីអាមេរិក គឺមានអំណាចពិសេស លើសពីច្បាប់អាមេរិក ទៅទៀត ហើយបើលោកត្រាំស្តាប់តាមក្រុមអ្នកគាំទ្រ លោកអាចនឹងធ្វើរឿងរ៉ាវ រំខានដល់ការចូលកាន់តំណែងរបស់ប្រធានាធិបតីថ្មី។
នៅថ្ងៃទី ៦ខែមករារដ្ឋសភាអាមេរិក និងអនុម័តជាផ្លូវការ ទទួលស្គាល់ពីជ័យជម្នះរបស់ប្រធានាធិបតីបៃឌិន ។ នៅថ្ងៃនោះដែរ ក្រុមអ្នកគាំទ្រលោកត្រាំ នឹងធ្វើមហាបាតុកម្ម នៅមុខរដ្ឋសភា ទាមទារកែប្រែលទ្ធផលបោះឆ្នោត៕ដោយ៖ធី រីណា
រូបភាព៖ petrotimes
