សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ថ្នាក់ដឹកនាំ១រូបនៃTYDA កម្លាំងស្ម័គ្រចិត្ត ដេីម្បីមនុស្សធម៌ បានថ្លែងថា, ថ្ងៃនេះកាល៨ឆ្នាំមុន នាពេលរសៀលក្នុងភោជនីយដ្ឋានមួយ យេីងផ្តេីមពីគ្នា៨នាក់ ដឹកនាំដោយបងស្រី ពេជ ចន្ទមុន្នី បានជជែកពីការរៀបចំបង្កេីតក្រុមគ្រូពេទ្យស្ម័គ្រចិត្ត ឥលូវបានក្លាយជាមហាគ្រួសារTYDA ដែលមានសមាជិកជាង ៦ពាន់នាក់។
លទ្ធផលក្នុងរយៈពេល៨ឆ្នាំនេះ សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានផ្តល់ការពិនិត្យព្យាបាលជំងឺ និងធ្វេីការអប់រំសុខភាព តាមបណ្តាខេត្ត អង្គការកុមារកំព្រា សហគមន៍ក្រីក្រ តាមរោងចក្រ និងសាលារៀន បានចំនួនសរុបជាង៣០ម៉ឺននាក់ និងបានជួុយសង្គ្រោះជីវិតអ្នកជំងឺធ្ងន់ធ្ងរជាង៦ពាន់។
សូមថ្លែងអំណរគុណដល់បងប្អូនមហាគ្រួសារTYDAយេីង រួមនឹងដៃគូសហប្រតិ្តបត្តិការទាំងអស់ដែលតែងតែចូលរួមជួយឧបត្ថម្ភ និងគាំទ្រដល់គ្រប់សកម្មភាពរបស់TYDA កន្លងមកនេះ៕
ដោយ៖ សិលា
